E fundit!

09:44 Politikë

Vrasja e efektivit në Maliq/ Rama: Nderime përjetë dëshmorit, ndëshkim maksimal për autorin

Kryeministri Edi Rama ka reaguar pak minuta më parë lidhur...

Shfaqet sëmundja e rrezikshme te qentë, si të kujdesemi për katërputroshët

21 Nëntor 2023, 10:19, Kosova & Bota CNA

Shfaqet sëmundja e rrezikshme te qentë, si të kujdesemi për

Foto ilustruese

Një sëmundje e panjohur është shafqur te qentë dhe në disa raste ajo ka qenë vdekjeprurëse. "CNN" raporton se studiuesit në New Hampshire Oregon, po përpiqen të kuptojnë se çfarë po e shkakton sëmundjen infektive të frymëmarrjes te qentë.

Sëmundja misterioze përshkruhet si një "sëmundje respiratore infektive atipike e qenit", thotë Departamenti i Bujqësisë në Oregon dhe simptomat përfshijnë kollën, teshtitjen, rrjedhjen e syve ose hundës dhe letargjinë.

Veterinerët në Oregon kanë raportuar më shumë se 200 raste të sëmundjes që nga mesi i gushtit. Ndërkohë raste të tjera janë raportuar në Kolorado, Illinois dhe New Hampshire.

Nga erdhi sëmundja?

Needle, një mjek patologjist tha se ai është pjesë e një ekipi që përpiqet të identifikojë sëmundjen dhe të gjejë segmente të zakonshme të ADN-së duke mbledhur mostra nga klinikat veterinare lokale dhe duke krahasuar rezultatet.

"Nëse ajo që kemi identifikuar është një patogjen, ka të ngjarë që bakteret të jenë baktere të përshtatura nga pritësi me histori të gjata të kolonizimit të qenve. Një "ngjarje evolucionare" si mutacioni spontan ose marrja e një gjeni nga një burim tjetër mund të ketë bërë që bakteret të bëhen virulente,”- tha ai.

Çfarë mund të bëjnë pronarët e qenve?

Ndërsa lajmet mund të jenë shqetësuese, "Ne sugjerojmë kujdes sesa shqetësim," thotë faqja e internetit e Shoqatës Mjekësore Veterinare të Oregon.

Ndërsa kjo sëmundje e veçantë është e pazakontë, “Shpërthimet periodike të kompleksit të sëmundjeve të frymëmarrjes infektive të qenit (CIRDC) mund të ndodhin në një popullatë qensh. Të paktën nëntë baktere dhe viruse të ndryshme janë lidhur si shkaktarë të CIRDC, i cili transmetohet nga pikat e frymëmarrjes”, tha shoqata veterinare.

Pronarët e qenve duhet të ndihmojnë në mbajtjen e kafshëve të tyre të shëndetshme duke u siguruar që ato të jenë të vaksinuara me vaksina për gripin e qenve, Bordetella dhe parainfluenza./CNA