web counter
LEXO PA REKLAMA!

SHKARKO APP

App Store
Google Play

“Do të bëjmë ata që është e nevojshme”/ Stoltenberg: Po rishikojmë rritjen e trupave të NATO-s në Kosovë

20 Nëntor 2023, 17:12, Kosova & Bota CNA
“Do të bëjmë ata që është e
Sekretari i NATO-s, Jens Stoltenberg

Sekretari i NATO-s, Jens Stoltenberg, në një konferencë për shtyp pas takimit me presidenten e Kosovës, Vjosa Osmani se po rishikojnë nëse duhet të ketë një rritje të përhershme të trupave në Kosovë.

Ky rishikim ka ardhur pas sulmit të 24 shtatorit në në Banjskë të Zveçanit.

Ai tha se janë përdorur forcat rezervë për të arritur praninë e menjëhershme të trupave të NATO-s gjatë sulmit.

Stoltenberg shprehet se do të bëhet ajo që është e nevojshme.

“Sapo arrita nga Sarajeva, ku kisha një takim të rëndësishëm dje dhe sot dhe tani jemi duke bërë një rishikim rreth pranisë tonë ushtarake në Ballkanin Perëndimor, që përfshin edhe Bosnje e Hercegovinën por edhe Kosovën. Kemi përdorur forcat tona rezervë për ta rritur praninë tonë menjëherë pas dhunës në shtator dhe tani po e rishikojmë nëse duhet të kemi një rritje të përhershme për t’u siguruar se kjo situatë nuk del jashtë kontrollit dhe nuk krijon konflikte të tjera të dhunshme në Kosovë ose në rajonin më të gjerë. Do të bëjmë ata që është e nevojshme, aktualisht jemi duke rishikuar praninë tonë dhe ndryshimet e nevojshme dhe i kemi zbatuar rritjen e nevojshme të NATO-s”., tha Stoltenberg./ CNA





Lajmet e fundit nga