web counter
LEXO PA REKLAMA!

SHKARKO APP

App Store
Google Play

E fundit!

x

Pacienti humbi jetën për shkak të neglizhencës, dërgohen për gjykim 5 mjekë të spitalit të Fierit

27 Nëntor 2023, 10:01, Aktualitet CNA
Pacienti humbi jetën për shkak të neglizhencës,
Spitali Fier

Të hënën, Prokuroria e Fierit ka dërguar për gjykim 5 mjekë të Spitalit Rajonal për “Neglizhencë në trajtimin mjekësor". Për gjykim janë dërguar mjekët me iniciale L.V( M), E.D., A.S., A.S. dhe N.B. 

Mjekët akuzohen se kanë neglizhuar në trajtimin mjekësor të Bledar Sherifajt, i cili më pas ka ndërruar jetë.

"Prokuroria pranë Gjykatës së Shkallës së Parë të Juridiksionit të Përgjithshëm Fier, ka përfunduar hetimet paraprake të çështjes penale nr.1437, viti 2022, dhe dërgon për gjykim 5 (pesë) të pandehur, mjekë të Spitalit Rajonal Fier, konkretisht të pandehurit L.V( M), E.D., A.S., A.S. dhe N.B., për veprën penale, “Neglizhenca në trajtimin mjekësor”, parashikuar nga neni 96 paragrafi i 2 Kodit Penal. Nga provat e administruara dhe analizimi i tyre, ka rezultuar se pesë mjekët kanë neglizhuar në trajtimin mjekësor të shtetasit Bledar Sherifaj, i cili më pas ka ndërruar jetë. Prokuroria Fier, është plotësisht e angazhuar për të ushtruar ndjekje penale dhe vënë para përgjegjësisë të gjithë funksionarët publikë që kryejnë vepra penale", thuhet në njoftimin e Prokurorisë./CNA

 

 





Lajmet e fundit nga