web counter
LEXO PA REKLAMA!

SHKARKO APP

App Store
Google Play

Merrte para për kthimin dhe kompensimin e pronave/ Prokuroria e Posaçme mbyll hetimet, dërgohet për gjykim specialisti

22 Nëntor 2023, 10:15, Aktualitet CNA
Merrte para për kthimin dhe kompensimin e pronave/ Prokuroria e
SPAK

Prokuroria e Posaçme ka dërguar në Gjykatën e Posaçme, Ilir Kapetanin, me detyrë Specialist i Shqyrtimit të Dosjeve pranë Agjencisë së Trajtimit të Pronave.

Ky i fundit akuzohet se ka marrë para nga qytetarë të ndryshëm në këmbim të premtimit për të siguruar kompensimin financiar, gjatë trajtimit të kërkesave të tyre për kthimin dhe kompensimin e pronës.

Mbi specialistin rëndon akuza e "korrupsionit pasiv", të cilën ka dyshime se e ka kryer në 22 raste.  Ndërkohë, nën gjykim janë edhe 17 persona të tjerë, të cilët kanë dhënë përfitimet e paligjshme. 

Njoftimi i SPAK-ut: 

Në përfundim të veprimeve hetimore, për këtë procedim penal është provuar se, i pandehuri Ilir Kapetani, Specialist  i Shqyrtimit të Dosjeve pranë Agjencisë së Trajtimit të Pronave, ka kërkuar dhe ka marrë përfitime të parregullta, në formën e shumave monetare, nga qytetarë të ndryshëm dhe nga trashgimtarë të ish pronarëve, në këmbim të premtimit për të siguruar kompensimin financiar, gjatë trajtimit të kërkesave të tyre për kthimin dhe kompensimin e pronës. 

I pandehuri Ilir Kapetani është akuzuar se ka kryer veprën penale “Korrupsioni pasiv i  personave që ushtrojnë funksione publike” të parashikuar nga neni 259 i Kodit Penal, të kryer në 22 (njëzetë e dy) raste.

Ndërkohë, të pandehurit D.L., A.G., D.D., V.Z., I.L., XH.V., G.T., L.A., J.Z., A.H., V.B., I.K., R.M., L.B., M.I., Y.N. dhe M.SH, të cilët janë subjektet që kanë dhënë përfitimet e paligjshme, janë akuzuar se kanë kryer veprën penale “Korrupsioni aktiv i personave që ushtrojnë funksione publike”, të parashikuar nga neni 244 i Kodit Penal.

Në përfundim të hetimeve Prokuroria e Posaçme ka dërguar në Gjykatën e Posaçme për Korrupsionin dhe Krimin e Organizuar kërkesën për dërgimin në gjyq të kësaj çështje penale./CNA

 

 





Lajmet e fundit nga