web counter
LEXO PA REKLAMA!

SHKARKO APP

App Store
Google Play

E fundit!

x

Sylvinho zbulon formulën/ Si arriti të krijojë frymën në grup?

21 Nëntor 2023, 22:46, Aktualitet CNA
Sylvinho zbulon formulën/ Si arriti të krijojë frymën
Armand Duka dhe Sylvinho

Trajneri i Kombëtares Shqiptare, Sylvinho, i cili në 11 muaj arriti të çonte Shqipërinë në kampionatin Europian që do të mbahet në Gjermani në verën e 2024, ka treguar formulën se si arriti të krijonte frymën në grup.

I ftuar në emisionin Opinion, Sylvinho tha se çdo futbollist e kuptoi se nuk fiton dot i vetëm.

Trajneri i kombëtares tha se futbollistët e kuptuan që kanë një skuadër dhe gara fitohet në grup.

Pjesë nga biseda

Sylvinho: Ajo është një gjë shumë e bukur sepse futbollisti e pranon. Futbollisti i vetëm nuk e fiton garën, por fitohet në grup. Ata e kuptuan që ne kemi një skuadër.

Blendi Fevziu: Lojtarët që janë të nivelit të lartë, ju keni zbuluar edhe lojtar si Jasir Asani që ishte gjëja më interesante. Si e zbuluat?

Sylvinho: Duke punuar. Unë mendoj që gjëja e parë kur pranuam, i thashë që duhet të jetoj në Tiranë sepse këtu zhvillohet puna. Ka qenë një gjë e jashtëzakonshme për jetën time. Federata na jep mundësinë për të punuar, ne punojmë 6-7 orë në ditë me videoanalizë. Nuk kisha një lojtar si ai, kam parë që ka bërë një rrugëtim te Partizani. E shikoj që është lojtar shumë interesant. Në Hungari ka bërë një rrugëtim, dhe më pas në Kore. Dhe ky është një lojtar që do duhet. Pastaj e morën dhe ai u përgjigj.

Blendi Fevziu: Ai ka thënë se ishte dita më e lumtur e jetës së tij…

Sylvinho: Lëre këtë se ka një histori tjetër mbrapa. Unë thashë do ta thërras atë.

Blendi Fevziu: Ai ishte surprizë për ju Asani?

Sylvinho: Jo.

Blendi Fevziu: Gjimshiti do të jetë në europian?

Sylvinho: Po./ CNA





Lajmet e fundit nga