web counter
LEXO PA REKLAMA!

SHKARKO APP

App Store
Google Play

Takimi në burg i ministrit grek dhe Belerit/ Ndërpritet energjia elektrike

21 Nëntor 2023, 19:50, Aktualitet CNA

Takimi në burg i ministrit grek dhe Belerit/ Ndërpritet energjia

Ditën e sotme gjatë takimit në burg mes ministrit grek të shtetit Stavros Papastavros dhe kryebashkiakut të zgjedhur të Himarës, Fredi Belerit është ndërprerë energjia elektrike.

Sipas asaj që raportohet është bërë përpjekja për të rikthyer energjinë me gjenerator por nuk ka qenë e mundur.

Pas takimit me Belerin, në një deklaratë për mediat, ministri grek ka theksuar se është e vetmja Bashki në të gjithë Evropën ku krye bashkiaku i skualifikuar vazhdon të ushtrojë pushtetin, ndërsa kryetarit të zgjedhur i hiqet e drejta demokratike për të bërë betimin.

Ai nënvizoi se vijon të qëndrojë në krah të Belerit.

“Sapo pashë në burg kryebashkiakun e zgjedhur të Himarës Fredi Beleri, i cili ndodhet në paraburgim prej 7 muajsh. Kohët janë padyshim të vështira dhe kjo është arsyeja pse doja të isha këtu. Fatkeqësisht, në Himarë ende nuk është zbatuar parimi i sovranitetit popullor.

Është e vetmja Bashki në të gjithë Evropën, ku krye bashkiaku i skualifikuar vazhdon të ushtrojë pushtetin, ndërsa kryetarit të zgjedhur i hiqet e drejta demokratike për të bërë betimin. Ne qëndrojmë me Fredi Belerin për të drejtën e tij për një gjykim të drejtë, i cili vazhdon nesër.

Ne duam që prezumimi i tij i pafajësisë të respektohet plotësisht nga drejtësia shqiptare. Duhet të gjendet një zgjidhje e drejtë, brenda kornizës së kornizës evropiane, shtetit ligjor dhe parimit të fqinjësisë së mirë, për të rikthyer normalitetin demokratik në Himarë”, ka deklaruar ai./ CNA





Lajmet e fundit nga