web counter
LEXO PA REKLAMA!

SHKARKO APP

App Store
Google Play

E fundit!

x

Tensione, tym e flakadanë në Kuvend/ Reagon Bergner: Shqetësuese, Parlamenti të plotësojë rolin e tij

21 Nëntor 2023, 17:58, Aktualitet CNA
Tensione, tym e flakadanë në Kuvend/ Reagon Bergner: Shqetësuese,
Ambasadori gjerman në Tiranë, Karl Bergner

Ambasadori gjerman në Tiranë, Karl Bergner ka reaguar lidhur me funksionimin jo normal të Parlamentit shqiptar.

Tensionet, tymi dhe flakadanët e ndezur në Parlament kanë shqetësuar dhe  ambasadorin gjerman.

Bergner thotë se qytetarët/et e Shqipërisë presin me të drejtë nga parlamenti i tyre që të jetë një forum, ku anëtarët e të cilit të mund të prezantojnë dhe diskutojnë hapur propozime të ndryshme politike.

Ai ju bëri thirrje anëtarëve të shumicës dhe opozitës në Kuvend që të bashkëpunojnë, me qëllim që të garantojnë, që parlamenti të plotësojë rolin e tij.

“Po ndjek me shqetësim zhvillimet e fundit në Kuvendin e Shqipërisë.

Qytetarët/et e Shqipërisë presin me të drejtë nga parlamenti i tyre që të jetë një forum, ku anëtarët e të cilit të mund të prezantojnë dhe diskutojnë hapur propozime të ndryshme politike.

Ky shkëmbim duhet të zhvillohet në paqe dhe të drejtohet nga rregullat, që i ka përcaktuar vetë parlamenti.

Ndaj u bëj thirrje anëtarëve të shumicës dhe opozitës në Kuvend që të bashkëpunojnë, me qëllim që të garantojnë, që parlamenti të plotësojë rolin e tij thelbësor kushtetues: kontrollin e ekzekutivit dhe ligjvënien në interes të qytetarëve/eve të përfaqësuar përmes deputetëve.”, tha/ CNA





Lajmet e fundit nga