web counter
LEXO PA REKLAMA!

SHKARKO APP

App Store
Google Play

Aksidentoi çiftin pranë Kryeministrisë/ Gjykata e Apelit lë në burg 21-vjeçarin

21 Nëntor 2023, 16:30, Aktualitet CNA
Aksidentoi çiftin pranë Kryeministrisë/ Gjykata e Apelit
Pamje nga aksidenti

Gjykata e Apelit ka vendosur masën e sigurisë Arrest me burg për shtetasin J.Th, 21-vjeç, i cili aksidnetoi pak javë më parë çiftin pranë Kryeministrisë.

21-vjeçari kishte kërkuar masë më të butë sigurie por është refuzuar nga gjykata, e cila ka lënë në fuqi vendimin për arrest me burg.

“Referuar raportimeve të mëparshme në media, Gjykata e Apelit të Juridiksionit të Përgjithshëm, informon sa më poshtë: Më datë 05.11.2023, rreth orës 14:00 në rrugën “Ismail Qemali”, shtetasi me iniciale J. Th duke drejtuar automjetin, ka humbur kontrollin e tij, dyshohet se për shkak të shpejtësisë mbi normat e lejuara, ka aksidentuar shtetasen me iniciale D.K dhe shtetasin me iniciale K. D.

Gjykata e Shkallës së Parë e Juridiksionit të Përgjithshëm Tiranë, ka zhvilluar gjykimin lidhur me vlerësimin e ligjshëm të ndalimit dhe caktimin e masës së sigurimit “arrest ne burg”, ndaj personit nën hetim shtetasit me iniciale J.Th, i dyshuar për kryerjen e veprës penale “Shkelja e rregullave të qarkullimit rrugor”, të parashikuar nga neni 290/2 të Kodit Penal.

Gjykata e Shkallës së Parë të Juridiksionit të Përgjithshëm Tiranë, me vendimin nr. 2598 Akti, datë 08.11.2023, ka vendosur:

Vleftesimin si të ligjshëm të arrestit në flagrancë të personit nën hetim J. Th.

2.Caktimin si masë sigurimi personal ndaj personit nën hetim J.Th, “arrest në burg”, të parashikuar nga neni 238 i K.Pr.Penale.

Çështja në apel u shqyrtua mbi bazën e ankimit të bërë nga personi nën hetim me iniciale J. Th, i cili kërkoi ndryshimin pjesërisht të vendimit caktimin e një mase sigurimi më të butë si atë të “Arrestit ne shtëpi”, “Detyrimit për tu paraqitur në policinë gjyqësore” ose “Ndalimin e daljes jashtë shteti”.

Në përfundim të gjykimit, sot më datë 21.11.2023, Gjykata e Apelit të Juridiksionit të Përgjithshëm, e përbërë nga trupi gjykues me Gjyqtare znj. Irida Kacerja, vendosi:

– Miratimin e vendimit nr. 2598 Akti, datë 08.11.2023 të Gjykatës së Shkallës së Parë e Juridiksionit të Përgjithshëm Tiranë”, thuhet në njoftim./ CNA

 





Lajmet e fundit nga