web counter
LEXO PA REKLAMA!

SHKARKO APP

App Store
Google Play

“Dy banda në Parlament”/ Bamir Topi: Këto mendje po rrëshqasin keq e më keq, asnjë shpresë për ndryshim

21 Nëntor 2023, 19:48, Aktualitet CNA
“Dy banda në Parlament”/ Bamir Topi: Këto mendje po
Ish-presidenti, Bamir Topi

Ish-presidenti, Bamir Topi ka folur lidhur me situatën e krijuar në Kuvend.

Bamir Topi u shpreh se në parlament janë 2 banda, banda e pushtetit dhe banda e opozitës.

Në një intervistë ish-presidenti tha se ka pas menduar se këto mendje do emancipoheshin, por po rrëshqasin keq e më keq.

“Është rrjedhë e një sëmundjeje relativisht të gjatë dhe kronike që ka përfshirë politikën  shqiptare dhe parlamenti është institucioni më përfaqësues i politikës. Shohim dy banda në atë institucion që duhet të ishte i fjalës së lirë i respektimit të ligjit i komunikimit me publikun. Kemi bandën e pushtetit dhe bandën e opozitës. Diagnoza duhet treguar drejt. Në një eksperiencë të gjatë parlamentare kurrë nuk e kam parë parlamentin kështu, ndonëse ka pasur dhe ngjarje tragjike deri në plagosje, kurrë s’ka qenë kështu. Kam menduar se këto mendje do emancipoheshin por po rrëshqasin keq e më keq.”, tha Topi.

Sipas tij kjo situatë do zgjasë aq kohë sa e keqja është brenda. Topi tha se salla e Parlamentit nuk ofron asnjë shpresë se gjërat do të ndryshojnë.

“Kjo situatë do zgjasë aq kohë sa e keqja është brenda. Duke vazhduar metaforën e diagnozës agjenti mikrobik viral për të mos thënë një sëmundje më të rëndë të pashërueshme, është brenda. Ajo sallë nuk ofron asnjë shpresë se gjërat do të ndryshojnë. Kur e bëj këtë koment nuk kam parasysh përbërjen e të gjithë deputetëve sepse nuk janë futur të gjithë me një thes. Edhe pjesëtarët e bandave klasifikohen si njerëz në vijën e parë. Aty është një e keqe e madhe që më bën të rikthehen në atë situatë që e kam kundërshtuar në 2008. Pashë që qëllimi ishte shumë i mbrapshtë. Ky është një krim që i është bërë demokracisë. Nëse ata do kishin menduar se nga paaftësia do kishin reaguar janë të dy. Mos e mendoni se ai që është në opozitë nuk ka pushtet është pushteti i opozitës", tha ai./ CNA





Lajmet e fundit nga