web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Këlliçi: Në prag të katastrofës mjedisore, në landfillin e Sharrës po mbaron hapësira

21 Nëntor 2023, 21:43, Aktualitet CNA
Afera e inceneratorëve/ Këlliçi: Në prag të
Belind Këlliçi

Anëtari i kryesisë së PD, dhe drejtuesi i grupit të ekspertëve të opozitës për aferën korruptive të inceneratorëve, Belind Këlliçi  thotë se dhe pse vazhdojmë të paguajmë për inceneratorët situata është në prag të katastrofës mjedisore.

Në një intervistë për Syri TV ai tha se ka qenë e planifikuar që mbetjet që hidheshin, do të digjeshin dhe do të hapej territor më shumë, dhe të kishte volum mjaftueshëm për të gjitha mbetjet e Tiranës, por duke shtuar Durrësin, Kamzën, Kavajën, Rrogozhinës, problemi është se në landfillin e Sharrës nuk ka më vend për depozitimin e mbetjeve..

Këlliçi thotë se Rama që pagoi 110 milionë euro nga buxheti thotë nuk di gjë.

“Jo vetëm që ne vazhdojmë të paguajmë 29 euro për ton, për mbetjet, por situata sot pas 6 vitesh situata është në prag të katastrofës mjedisore, sepse nuk ka më vend. Nuk ka më vend për depozitimin e mbetjeve në landfillin e Sharrës, po mbaron hapësira. Ka qenë e planifikuar që mbetjet që hidheshin, do të digjeshin dhe do të hapej territor më shumë, dhe të kishte volum mjaftueshëm për të gjitha mbetjet e Tiranës. Por duke shtuar Durrësin, Kamzën, Kavajën, Rrogozhinës, problemi është se në landfillin e Sharrës nuk ka më vend për depozitimin e mbetjeve. Që ta kuptojnë qytetarët, dërgohen mbetjet, groposen nga një rul dhe të gjitha ujërat nëntokësore ndoten dhe kjo rrezikon shëndetin e qytetarëve të Tiranës. Nga ana tjetër që kemi një kryeministër që thotë, nuk di gjë. Ky që ka paguar 110 mln euro nga buxheti thotë nuk di gjë. Unë kam qenë pjesë e komisionit Hetimor për aferën e inceneratorëve, i kam treguar vendimin e Këshillit të Ministrave, me firmën e tij, nga të paktat vendime që ka firmosur vetë, ku i ka dhënë bonos 8 % të pikëve një kompanie që nuk ekzistonte’, tha Belind Këlliçi./ CNA





Lajmet e fundit nga