web counter
LEXO PA REKLAMA!

SHKARKO APP

App Store
Google Play

E fundit!

x

Gjyqe me njerëzit e inceneratorëve, gazetari: Thyen turinjtë pronarët e vërtetë dhe mercenarët e tyre

21 Nëntor 2023, 21:57, Aktualitet CNA

Gjyqe me njerëzit e inceneratorëve, gazetari: Thyen turinjtë

Gazetari Elvi Fundo ka folur për gjyqin me njerëzit e inceneratorëve në Gjermani ku është shprehur se tashmë edhe gjykata gjermane e di për skandalin e inceneratorëve.

Gazetari u shpreh për Adi Krastën në "A Show", se përballja në gjyq ishte spektakolare pasi në seancë ishte vetëm avokati i kompanisë së inceneratorëve, i cili nuk dinte asgjë dhe gjëja e vetme që kërkonte ishte marrëveshje që ai të mos fliste dhe të mos shkruante më për inceneratorët gjë që nuk është pranuar nga gazetari.

Ai tregoi se gjyqtarja kishte lexuar me dhjetra shkrime në lidhje me skandalin e inceneratorëve dhe ka konstatuar se Mirel Mërtiri, Klodian Zoto dhe Stela Gugallja janë në kërkim nga drejtësia për këtë aferë.

Më tej gazetari i ka bërë me dije trupës gjykuese se ai e konsideron këtë një mafie se kanë marrë 110 milionë euro për incenerator dhe incenerator nuk ka.

“Padashje nëpërmjet veprimeve të tyre, nëpërmjet shantazhit që kanë dashur të kryejnë, nëpërmjet kallëzimeve të rreme të vazhdueshme ,pasi qenë tre gjyqe që u fituan, nëpërmjet një kallëzimi në Gjermani me pretendimin që unë të mos shkruaja më për inceneratorët, kushdo mund të shkruante sepse kështu thuhej në kërkesë. Për më tepër ju kam dërguar dy dokumente që mund t’i nxirrni. Unë kam qenë në dijeni të padisë përpara se ata ta sillnin. Ata kishin përgatitur një padi, e cila përfshinte dhe emrin e shtetasit Mirel Mërtiri, ku ishin tre paditës, kompania mëmë GeoGenix, dhe kompania e inceneratorit të Tiranës koncesionarit dhe shtetasi Mirel Mërtiri. Padia ishte përgatitur në korrik.

Më pas në tetorin e vitit të shkuar më vjen një padi në Gjermani, e cila nuk përmbante më emrin e Mirel Mërtirit ku kërkohej të bëhej një marrëveshje, të paguaja 6 mijë euro studion ligjore që ata kishin kontraktuar.

Ata kontraktuan një nga studiot ligjore më  të fuqishme në Frankfurt, me avokatët e tyre, me gazetarët e tyre që unë i kam përmendur me emra si përfitues të inceneratorëve si Endrit Habilaj e të tjerë, të cilët i kam furnizuar me material, i kam çuar dhe disa e-maile konfidente redaksisë tuaj.

Mora një studio ligjore dhe unë, një nga profesorët e jurisprudencës të së drejtës së gazetarëve. Ai kur ka parë kallëzimin ka qeshur, por më tha duhet të rrish urtë se, je pak ngacmues.

Duhet të jesh i qetë, nuk duhet të flasësh.Vazhdoi procedura. Gjykata e ka njohur procedurën nga janari kurse pardje unë kam mësuar se në Gjermani zyrtarisht skandali i inceneratorëve është mësuar nga gjyqtarët.

Nuk e njihja sistemin gjerman. Sa hyra në sallë pashë avokatin e palës tjetër nuk kishin ardhur administratorët e kompanive se tashmë nuk kishte kush të vinte. Administratori i Holandës sipas justifikimit kishte humbur trenin ndërsa në telefon thonte se nuk po lidheshin dot me administratorin e Tiranës.

Gjyqtari tha unë kam gugëlluar për këtë çështje. Çfarë kërkoni tha. Mirel Mërtiri, Klodian Zoto janë njerëzit e inceneratorëve që Prokuroria Speciale e Shqipërisë i ka shpallur në kërkim.

Unë më pas mbajta një qëndrim shumë të ashpër kur hyra pasi u çlirova pak thashë unë kam luftuar kundër inceneratorëve, unë e konsideroj mafie në konceptin tim se kanë marrë 110 milionë euro dhe inceneratorë nuk ka.

Gjyqtarja më tha i di se kam lexuar shumë tha jo vetëm nga ju por edhe mediat e tjera.

Kur mbaroi seanca më tregoi në një tablet që kishte me dhjetëra shkrime me skandalin e inceneratorëve.

Ajo që më bëri përshtypje ishte që as avokati i palës tjetër nuk e kishte idenë se çfarë po ndodhte.

Avokati i palës tjetër kishte ardhur me idenë për të bërë marrëveshje që unë të mos flas më për inceneratorët por i thashë se kur të mbarojë kjo do fillojë të bërtas”, tha Fundo./ CNA





Lajmet e fundit nga