web counter
LEXO PA REKLAMA!

SHKARKO APP

App Store
Google Play

E fundit!

x

Bënin kërdinë me makinat e vjedhura, arrestohet 55-vjeçari në Fier, në kërkim 3 persona, mes tyre një italian

21 Nëntor 2023, 14:02, Kronika CNA
Bënin kërdinë me makinat e vjedhura, arrestohet 55-vjeçari
Automjetet e sekuestruara

Policia e Shtetit ka zbërthyer skemën kriminale që tre shqiptarë dhe një italian përdornin për të trafikuar në Shqipëri automjete të vjedhura në shtetin italian e atë gjerman.

Autoritetet pasi kanë konstatuar se si 55-vjeçari i identifikuar si E.Z. ishte bashkëpunëtor për trafikimin e automjeteve të vjedhura në Itali e Gjermani, të cilat pasi i pajisnin me dokumente false i tregtonin në Shqipëri, kanë vënë në pranga 55-vjeçarin ndërsa ka shpallur në kërkim shtetasit A. Dh., 38 vjeç dhe E. K., 43 vjeç, të dy banues në Berat, si dhe shtetasi italian A. M., 51 vjeç.

Policia ka sekuestruar 2 automjete të vjedhura, kamper dhe tip "Fiat", prodhime të viteve të fundit, me vlerë rreth 120 000 euro.

“Nga hetimet ka rezultuar se këta 4 shtetas, në bashkëpunim me njëri-tjetrin, kanë trafikuar në Shqipëri, automjete të vjedhura kryesisht në Itali dhe në Gjermani. Gjithashtu, se ndërhynin në elementet identifikuese të automjeteve dhe paraqitnin për to, dokumente false, me qëllim shitjen në vendin tonë. Në cilësinë e provës materiale janë gjetur dhe sekuestruar 2 automjete tipe "Fiat" dhe "Iveco", prodhime të viteve të fundit, me vlerë rreth 120 000 euro. Vijon intensivisht puna për kapjen e 3 shtetasve të shpallur në kërkim, si dhe në bashkëpunim me Prokurorinë e Fierit, po kryhen hetime për të zbardhur dhe provuar ligjërisht raste të tjera të trafikimit të mjeteve, që mund të kenë kryer këta shtetas” – thuhet në deklaratën e policisë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme./CNA





Lajmet e fundit nga