LEXO PA REKLAMA!

SHKARKO APP

E fundit!

x

Pas 24 orësh rikthehet energjia, situata në Juglindje

27 Nëntor 2023, 11:04, Aktualitet CNA
Pas 24 orësh rikthehet energjia, situata në Juglindje
Foto ilustruese

Pas 24 orësh rikthehet energjia elektrike në të gjitha fshatrat e njësive administrative Dardhas, Çërravë në Bashkinë e Pogradecit, Çlirim në Bashkinë e Kolonjës si dhe fshatra të tjera të zonës malore të qarkut Korçë.

Burime zyrtare pranë OSSHE bëjnë të ditur se 13 grupe pune janë në gatishmëri për të mos munguar energjia elektrike për festat e nëntorit, kryesisht në zonat e thella malore aty ku dhe problemet janë më të shumta në kushte të vështira atmosferike.

Gjatë orëve të fundit në juglindje të vendit ka pasur ulje të temperaturave duke sjellë vështirësi në qarkullim në zonat e thella malore për shkak të pranisë së akullit në rrugë.

Për këtë sektori i qarkullimit rrugor u kërkon drejtuesve të mjeteve të bëjnë kujdes kur lëvizin në akset rurale të këtyre zonave.

Është i këshillueshëm domosdoshmërisht përdorimi i zinxhirëve në këto segmente rrugore ku dhe prania e akullit është më e madhe.

Nga ana e drejtorive të shërbimeve publike të 6 bashkive të Juglindjes po punohet me kriposjen e akseve rrugore më problematike./ CNA

Lajmet e fundit nga