web counter
LEXO PA REKLAMA!

SHKARKO APP

App Store
Google Play

E fundit!

x

Apeli i GJKKO lë në fuqi sekuestron e pasurive të Pëllumb Gjokës

27 Nëntor 2023, 14:09, Aktualitet CNA
Apeli i GJKKO lë në fuqi sekuestron e pasurive të Pëllumb
Biznesmeni Pellumb Gjoka

Apeli i GJKKO-së ka lënë në fuqi vendimin për sekuestron e tri pasurive të biznesmenit Pëllumb Gjoka të ndodhura në një pyll në zonën Pulaj plazh në zonën e Shkodrës.

Pasuritë e vendosura në sekuestro janë:
1-113.500 m2 pasuri e llojit pyll, e ndodhur në Pulaj- Plazh, Velipojë, Shkodër, regjistruar në emër të një shoqërie tregëtare.
2- 61.470 m2 pasuri pyll, e ndodhur në Pulaj- Plazh, Velipojë, Shkodër, regjistruar në emër të një shoqërie tjetër tregëtare.
3- 215.030 m2 pasuri pyll, e ndodhur në Pulaj- Plazh, Velipojë, Shkodër, regjistruar në emër të shtetasit Kolë Gjoka.

Biznesmeni i ndërtimit dhe kazinove, Pëllumb Gjoka, u arrestua në 27 korrik të këtij viti gjatë operacionit "Metamorfoza".

Biznesmeni Gjoka u arrestua pasi emri i tij figuronte në aplikacionin "Sky" si porositës i një vrasjeje.

Nga hetimet dhe përgjimet e SPAK-ut rezulton se Pëllumb Gjoka është i përfshirë edhe në vrasjen e Gjin Boriçit. 

Sipas përgjimeve të zbardhura nga SPAK, falë bisedave të kryera në aplikacionin SKY ECC, pjesëmarrës në këtë krim janë Pëllumb Gjoka, i cili në këto biseda, mban pseudonimin ‘Kolombo’.

Ndaj Gjokës rëndojnë akuzat jo vetëm për bashkëpunim me grupet kriminale dhe porositje vrasjesh, por edhe për përvetësim pronash.

Sakaq, Gjoka është denoncuar nga kushërira e tij për grabitjen e tokës së 99-vjeçares Drande Hota në fshatin Pulaj të Velipojës./CNA

 





Lajmet e fundit nga