web counter
LEXO PA REKLAMA!

SHKARKO APP

App Store
Google Play

E fundit!

x

“Gjoks e kry, kapedan”/ Zbardhen bisedat për vrasjen e Ndojit, Behar Bajri i raporton Pëllumb Gjokës

5 Gusht 2023, 13:27, Kronika CNA

“Gjoks e kry, kapedan”/ Zbardhen bisedat për vrasjen e Ndojit,

Një megaoperacion i SPAK dërgoi në pranga 6 persona dhe vuri në kërkim 9 të tjerë, mes tyre ish-zyrtarë të policisë, prokurorë e biznesmenë.

Këta persona, të lidhur me grupin Bajri kishin urdhëruar disa vrasje dhe të gjitha këto u zbuluan falë përgjimeve të bisedave në aplikacionet SKY dhe ENCROCHAT.

Së fundmi, janë zbardhur pjesë të bisedave nga dosja hetimore. E tillë është biseda për vrasjen e Gjin Ndojit në 9 gusht të 2020-ës, në Shkodër, ekzekutim i porositur nga Ervis Martinaj.

Në komunikime, Denis Brajoviç, i akuzuar më parë si pjesë e grupit të Bajrajve, i tregon Behar Bajrit se Gjin Ndoji ishte ekzekutuar me plumba në kokë dhe gjoks.

“Gjoks e kry, kapedan. M’u blloku, se dosha me ja gri kryt, se më tha diçka”, shprehet Brajoviç.

Pas kësaj, Behar Bajri vihet në kontakt me biznesmenin Pëllumb Gjoka, të cilit i konfirmon se porosia e Martinajt ishte kryer dhe tashmë ishte në pritje që ky i fundit të vriste Kleant Musabelliun.

“U kry, tani presim atë tëndin, atë që deshti ai u kry. Gjinin deshti ai…”, deklaron Bajri, ndërkohë që Gjoka i përgjigjet: “Ok vëlla…, kjoft me Zotin, futja gjumit tani”.

Kujtojmë se Pëllumb Gjoka akuzohet se ka porositur te Behar Bajri një atentat ndaj Kleant Musabelliut. Vrasjen e këtij të fundit e kishte marrë përsipër Ervis Martinaj, i cili kishte shkëmbyer objektivin me Bajrajt. Bajrajt duhet të vrisnin Gjin Ndojin dhe Martinaj Musabelliun./ CNA.al





Lajmet e fundit nga