web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet i riu/ Shfrytëzonte për prostitucion një nga dëshmitaret e vrasjes së 32-vjeçares

4 Gusht 2023, 10:42, Kronika CNA

Arrestohet i riu/ Shfrytëzonte për prostitucion një nga

Policia ka arrestuar një tjetër person tjetër gjatë hetimeve për vrasjen e 32-vjeçares L. P., trupi i së cilës u gjet poshtë “Urës së Dajlanit” të Durrës.

Dje u shoqëruan 3 vajza që kishin qenë dëshmitare të ngjarjes. Njëra prej tyre, konkretisht një 15-vjeçare, ka deklaruar se ushtronte prostitucion.

Ajo ka theksuar se 24-vjeçari me iniciale E. P., e shfrytëzonte për prostitucion gjatë kohës që bashkëjetonin. Ky i fundit është vënë sot në pranga.

“Në vijim të hetimeve të thelluara të kryera nga strukturat hetimore të Drejtorisë Vendore të Policisë Durrës, në bashkëpunim me Prokurorinë e Durrësit, për dokumentimin e plotë ligjor të përgjegjësisë penale të secilit prej shtetasve të proceduar penalisht për vrasjen e shtetases L. P., 32 vjeçe, trupi i së cilës u gjet poshtë urës së Dajlanit, më datë 02.08.2023, rreth orës 10:35, ju bëjmë me dije se:

Specialistët për Hetimin e Trafiqeve të Paligjshme dhe Narkotikëve të DVP Durrës arrestuan në flagrancë shtetasin E. P., 24 vjeç, banues në Durrës, pasi më datë 02.08.2023, ka kallëzuar shtetasja 15 vjeçe, e proceduar në gjendje të lirë, për veprën penale “Moskallëzimi i krimit”, ditën e djeshme, në kuadër të operacionit policor të koduar “Deluzion”, se gjatë kohës që ka bashkëjetuar me shtetasin E. P., ky i fundit e ka shfrytëzuar për prostitucion.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme”, thuhet në njoftimin e policisë./ CNA.al





Lajmet e fundit nga