web counter
LEXO PA REKLAMA!

SHKARKO APP

App Store
Google Play

“Plas” grushti në Malësi të Madhe/ Drejtori i Emergjencave Civile sherr me përgjegjësin e sektorit

3 Gusht 2023, 11:35, Kronika CNA

“Plas” grushti në Malësi të Madhe/ Drejtori i

Drejtori i Drejtorisë së Rrugëve Rurale, Emergjencave Civile, Ujitjes dhe Kullimit në bashkinë e Malësisë së Madhe, 60-vjeçari R.S. është konfliktuar me Përgjegjësin e Sektorit të Emergjencave Civile të kësaj bashkie.

Konflikti ka ndodhur për motive të dobëta, ndërsa ka degjeneruar në dhunë.

Përgjegjësi, shtetasi me iniciale E. R., 64 vjeç, ka deklaruar në polici se drejtori e ka goditur me grusht.

Pas denoncimit, blutë bëjnë me dije se kanë proceduar në gjendje të lirë drejtorin, ndërsa po vijojnë hetimet për zbardhjen e sherrit.

“Specialistët për Hetimin e Krimeve të Komisariatit të Policisë Malësi e Madhe referuan materialet në Prokurori ku nisi procedimi në gjendje të lirë për shtetasin R. S., 60 vjeç, me detyrë drejtor i Drejtorisë së Rrugëve Rurale, Emergjencave Civile, Ujitjes dhe Kullimit, bashkia Malësi e Madhe, pasi ka kallëzuar shtetasi E. R., 64 vjeç, banues në Shkodër, me detyrë Përgjegjës i Sektorit të Emergjencave Civile, bashkia Malësi e Madhe, se gjatë një konflikti për motive të dobëta, me 60-vjeçarin, ky i fundit e ka goditur me grusht. Vijojnë veprimet për verifikimin e këtij kallëzimi”, thuhet në njoftimin e policisë./ CNA.al





Lajmet e fundit nga