web counter
LEXO PA REKLAMA!

SHKARKO APP

App Store
Google Play

Të dënuar me 22 vite burg/ Arrestohen 3 të shumëkërkuarit

1 Gusht 2023, 16:44, Kronika CNA

Të dënuar me 22 vite burg/ Arrestohen 3 të

Policia ka njoftuar kapjen dhe arrestimin e 3 shtetasve të shpallur në kërkim ndërkombëtar.

Përmes një njoftimi zyrtar blutë bëjnë me dije se të arrestuarit janë shtetasit italianë Alesandro Locateli, dhe shtetasi Stefano Bottura si dhe shtetasi Elton Daka.

Dy shtetasit italianë janë lokalizuar dhe arrestuar në Itali ndërsa shtetasi shqiptar Elton Daka, në SHBA.

Kapja e tyre nga autoritet e huaja është bërë për llogari të autoriteteve shqiptare pas shpalljes në kërkim të këtyre shtetasve nga organet e drejtësisë në Shqipëri.

"Lokalizohen pas shkëmbimit të informacioneve, kapen dhe vihen në pranga 3 shtetas (2 në Itali dhe 1 në USA) të dënuar me 6, 7 dhe 9 vjet burgim.

Në vijim të punës për kapjen e shtetasve në kërkim ndërkombëtar, pas marrjes së informacionit nga Seksioni i Kërkimit i DVP Tiranë, në bashkëpunim me Interpol Tirana, për tre shtetas në kërkim ndërkombëtar, informacionet i janë dërguar autoriteteve policore italiane dhe atyre amerikane, me qëllim lokalizimin dhe kapjen e këtyre shtetasve.

Në bazë të informacioneve të dërguara nga Seksioni i Kërkimit i DVP Tiranë, në bashkëpunim me Interpol Tirana, janë lokalizuar:

- Në Itali, shtetasi Alesandro Locateli, dhe shtetasi Stefano Bottura;
- Në USA, shtetasi Elton Daka.

Shtetasi Alesandro Locateli ishte shpallur në kërkim ndërkombëtar pasi Gjykata e Apelit Tiranë e ka dënuar me 7 vjet burgim, për veprën penale "Pastrimi i produkteve të veprës penale ose veprimtarisë kriminale", kryer në bashkëpunim.

Në vitin 2010, ky shtetas ka kryer dy transferta nga Sllovenia në Shqipëri, në shumën 500 000 euro, të cilat e kanë burimin nga veprimtaria kriminale e këtij shetasi, në shtetin italian.

Shtetasi Stefano Bottura ishte shpallur në kërkim ndërkombëtar pasi Gjykata e Rrethit Gjyqësor Tiranë e ka dënuar me 9 vjet burgim, për veprën penale "Mashtrimi kompjuterik".

Ky shtetas me anë të një skeme mashtrimi, ka krijuar në Shqipëri një kompani në të cilën ka kryer disa transanksione, ku shuma e parave të hedhura në karta, ka qenë më e madhe se shuma e blerjeve të kryera.

Shtetasi Elton Daka ishte shpallur në kërkim ndërkombëtar pasi Gjykata e Rrethit Gjyqësor Fier e ka dënuar me 6 vjet burgim, për veprën penale "Mashtrimi"."-thuhet në njoftimin e policisë./CNA.al

 





Lajmet e fundit nga