E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Prokuroria e Tiranës zbardh akuzat/ Pse u arrestua ish-luftëtari i UÇK-së

31 Korrik 2023, 17:08, Kronika CNA

Prokuroria e Tiranës zbardh akuzat/ Pse u arrestua ish-luftëtari i

Prokuroria e Tiranës ka reaguar për arrestimin e ish-luftëtarit të UÇK-së, Dritan Goxhajt.

Prokuroria tha se urdhër-arresti u lëshua menjëherë pasi Prokuroria Speciale e Kosovës i dërgoi letërporosi.

Ish-luftëtari i UÇK-së akuzohet për kryerjen e veprave penale “Frikësimi gjatë procedurës penale" dhe "Pengimi i personit zyrtar në kryerjen e detyrave zyrtare".

Sipas Prokurorisë, ekziston dyshim i bazuar se Goxhaj mban përgjëgjesi penale për vepra penale që përfshihen në juridiksionin e Dhomave të Specializuara të Kosovës, konkretisht për frikësim gjatë procedurës penale dhe pengim të personave zyrtare në kryerjen e detyrave zyrtare.

Kontrolle në banesë dhe kërkesa për ekstradimin/ Policia sqaron arrestimin e ish-luftëtarit të UÇK-së
31 Korrik, 16:26

Reagimi i plotë:

Sot më datë 31.07.2023, në kuadër të “Kërkesës së Zyrës së Prokurorit të Specializuar të Kosovës”, u realizua ekzekutimi i letërporosisë për dhënien e ndihmës juridike Zyrës së Prokurorit të Specializuar të Kosovës, për llogari të procedimit penal në ngarkim të shtetasit D.G., për kryerjen e veprave penale “Frikësimi gjatë procedurës penale" dhe "Pengimi i personit zyrtar në kryerjen e detyrave zyrtare", parashikuar nga legjislacioni penal i Republikës së Kosovës.

Është ekzekutuar vendimi i Gjykatës së Shkallës së Parë të Juridiksionit të Përgjithshëm Tiranë për caktimin e masës së sigurimit personal me karakter shtrëgues “Arrest në burg” e parashikuar nga neni 238 i Kodit të Procedurës Penale ndaj shtetasit D. G., me qëllim ekstradimin, si dhe është ushtruar kontroll në vendin e banimit të tij.

Arrestohet ish-luftëtari i UÇK-së/ Urdhër i Gjykatës Speciale
31 Korrik, 15:56

Këto veprime procedurale janë kryer në përmbushje të dhënies së ndihmës juridike, për shkak se Gjykatësi i Vetëm kishte lëshuar fletëarrestin dhe urdhëroi transferimin e tij në paraburgimin e Dhomave të Specializuara të Kosovës në Mbretërinë e Vendeve të Uleta ('shteti prites'). Gjithashtu, Gjykatësi i Vetëm autorizoi kontrollimin e z. D.G., të vendit të arrestimit dhe të vendit të banimit te tij, si edhe sekuestrimin e materialeve gjate kontrollimit të tyre ('Urdhri për Autorizimin e Kontrollimit dhe Sekuestrimit').

Gjykatësi i Vetëm ka konstatuar se ekziston dyshim i bazuar se shtetasi D.G., mban përgjëgjesi penale për vepra penale që përfshihen në juridiksionin e Dhomave të Specializuara të Kosovës, konkretisht për frikësim gjate procedurës penale dhe pengim të personave zyrtare në kryerjen e detyrave zyrtare, përkatësisht në bazë të nenit 387 dhe nenit 401 të Kodit Penal të Kosovës të vitit 2019 (Ligji nr. 06/L-074), sikurse përcaktohet në nenin 15(2) te Ligjit.

Në vijim do të realizohet procedurat për ekstradimin e këtij shtetasi për në Republikën e Kosovës./ CNA.al