web counter
LEXO PA REKLAMA!

SHKARKO APP

App Store
Google Play

Denoncimi: Pëllumb Gjokës i lanë kohë të zbrazte llogaritë bankare, i çoi ku deshi

27 Tetor 2023, 13:34, Politikë CNA

 

Denoncimi: Pëllumb Gjokës i lanë kohë të zbrazte
Pëllumb Gjoka

Ish-kryeministri Sali Berisha ka deklaruar në konferencë me gazetarët se qeveria Rama i dha mundësinë Pëllumb Gjokës që të zbrazte të gjitha llogaritë bankare, para se SPAK të merrte vendimin e sekuestrimit të pronave. 

Berisha nënvizoi se Jamarbër Malltezit iu sekuestruan pasuritë brenda orës, por për vrasësin Pëllumb Gjoka u kujtuan 3 muaj me vonesë.

"Profesor Abi Malltezit, pa provuar, pas tri vitesh asnjë shkelje ligjore në mënyrë absolute, i vendosin sekuestro brenda orës, për të gjitha pronat e tij. Vrasësit Pëllumb Gjoka, mikut të ngushtë të skapistëve kriminelë, u detyruan t’i vendosin sekuestron megjithëse duhet të dini një gjë, regjistrimet e bisedave dhe mesazheve në EncroChat dhe SKY, gjykata franceze i ka pranuar si prova të mirëfillta krimi. Megjithëse janë dorëzuar, kanë kaluar 2 ose 3 muaj dhe vetëm dje u kujtuan se ky problem ekziston.
Merrni vesh ju se çfarë organizate është SKAP-i. Tani thanë se njerëzit do pyesin se këtij ia sekuestruan të gjitha pronat, dhe ato që ka pasur kur ata kanë punuar si zyrtarë në OKB, kanë pasur një rrogë më të madhe dhe kanë blerë prona, edhe ato të gjitha ia ka sekuestruar SPAK i partisë. Kurse për Pëllumb Gjokën u kujtuan dje. Dje u kujtuan, kurse për këtë u kujtuan brenda një ore. Flet vetë. Ato që bëhen nën presion nuk janë kurrë pozitive. Ato nuk prodhojnë kurrë pozitivitet. Pëllumb Gjokës iu dha mundësia gjatë kësaj periudhe të zbrazë çdo gjë. Të gjitha, llogaritë dhe çfarë kishte. Dhe kjo ishte e qëllimshme. Se Pëllumb Gjoka, përveçse mik i Edi Ramës, është edhe mik i Taulant Ballës. E kam deklaruar këtu se ka udhëtime në Itali me Taulant Ballën. Se gjëja e parë, Pëllumb Gjokës i bllokoheshin të gjitha llogaritë. Përkundrazi, kjo sekuestro u vendos pasi ai zbrazi të gjitha llogaritë. I çoi paratë ku deshi", u shpreh Berisha./CNA

 

 





Lajmet e fundit nga