web counter
LEXO PA REKLAMA!

SHKARKO APP

App Store
Google Play

Abuzimi seksual i 26-vjeçares/ Balla-gazetarëve: Mos përdorni emra, kini besim te drejtësia

25 Tetor 2023, 14:42, Politikë CNA
Abuzimi seksual i 26-vjeçares/ Balla-gazetarëve: Mos përdorni
Ministri i Brendshëm, Taulant Balla

Ministri i Brendshëm, Taulant Balla, nga spitali ku ndodhet 26-vjeçarja e abuzuar seksualisht nga 3 djem, ka reaguar për këtë ngjarje që ka tronditur opinionin publik.

Balla tha se duhet besuar te puna e drejtësisë, ndërsa u kërkoi gazetarëve të mos nxjerrin emrat e personave të akuzuar.

“Sot drejtësia në Shqipëri ka nevojë për mbështetje dhe për të besuar se drejtësia do bëjë detyrën e vet. Prandaj edhe emrat e personave të dyshuar merrini me kujdes se deri kur të shprehet drejtësia të gjithë duhet të kenë të drejtën e prezumimit të pafajësisë”, u shpreh ai.

I pyetur nga gazetarët nëse vajza është marrë forcërisht nga djemtë, ministri nuk pranoi të prononcohet.

“Do ishte gabim fatal imi nëse unë do të ndërhyja të bëja sot vlerësime të kësaj natyre”, deklaroi Balla.

Ai bëri sërish apel për gazetarët e Vlorës që të mos përdorin emra.

“Apeli im edhe për gazetarët e nderuar të Vlorës është që hiqni dorë nga përdorimi i emrave e të tjerë me radhë dhe kini besim te drejtësia. Unë kam besim se prokuroria e Vlorës e ka vlerësuar maksimalisht këtë çështje”, theksoi ministri.

Gjithashtu, Balla u pyet për kërcënimin e gazetares Afrovita Hysaj nga pronari i televizionit “6+1 Vlora”, pasi denoncoi se po fshihej njëri prej autorëve.

“Urdhrat e prokurorisë unë nuk kam tagër t’i vë në dyshim. Unë jam ministër i Brendshëm”, nënvizoi ai./ CNA





Lajmet e fundit nga