web counter
LEXO PA REKLAMA!

SHKARKO APP

App Store
Google Play

Pëllumb Gjoka ofroi 110 mijë euro për të vrarë Musabelliun/ Si u përfshi në ekzekutimin e Gjin Boriçit

28 Korrik 2023, 21:53, Kronika CNA
Pëllumb Gjoka ofroi 110 mijë euro për të vrarë
Biznesmeni Pëllumb Gjoka

Një operacion i SPAK dërgoi në pranga disa ish-zyrtarë dhe persona me precedent penalë, mes të cilëve ishte edhe biznesmeni Pëllumb Gjoka.

Ky i fundit akuzohet për porositjen e disa vrasjeve. Këto janë zbuluar nga përgjimet e bisedave në SKY dhe Encro, ku Gjoka kishte porositur vrasjet te Behar Bajri.

Njëra prej tyre ishte ajo e Kleant Musabelliut, ish-specialist i SHKB-së së burgjeve në Drejtorinë e Përgjithshme.

Biznesmeni kërkonte eleminimin e Musabelliut, për shkak se ky i fundit e kishte plagosur në shtator të 2017-ës.

Behar Bajri ofroi tre shtetas të huaj që të kryenin krimin, ndërsa Gjoka ofroi 110 mijë Euro. Megjithatë, në përgjime Gjoka thotë që të jepen aq para sa kërkohen, vetëm të kryhet vrasja.

Këtu hyn në skemë “mbreti” i lojërave të fatit, Ervis Martinaj, i cili ndërthur dy ngjarje kriminale. Ai kishte kontaktuar me Bajrin për të ekzekutuar Gjin Boriçin dhe mori përsipër që vetë të kryente vrasjen e Kleant Musabelliut.

Pasi Behar Bajri kreu vrasjen e Boriçit, Gjoka kontakton Ardit Hasnabegajn, ish-shefin e krimeve në Shkodër. Gjoka e pyet për provat materiale të gjetura në vendngjarje dhe i kërkon të mos merret me këtë ngjarje.

Sa i përket Musabelliut, përgjimet kanë zbuluar se autorët kishin bërë gati gjithçka. Ata kanë ndjekur e fotografuar objektivin dhe kanë caktuar edhe vendin ku po planifikonin të kryenin vrasjen, e cila mbeti thjeshtë tentativë./ CNA.al





Lajmet e fundit nga