web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i Berishës për dëshmitarin/ Beleri, mesazh nga qelia

26 Tetor 2023, 10:47, Politikë CNA
Denoncimi i Berishës për dëshmitarin/ Beleri, mesazh nga qelia
Foto ilustruese - Fredi Beleri, kryebashkiaku i zgjedhur i Himarës në GJKKO

Fredi Beleri, kryebashkiaku i zgjedhur i Himarës, ka dhënë një mesazh nga qelia, ku ndodhet që prej 12 marsit të këtij viti.

Beleri ka publikuar intervistën e ish-kryeministrit Sali Berisha me median greke “SKAI”, ku kryedemokrati denoncoi se arrestimi është inskenuar.

Berisha tha se personi që po përdoret si dëshmitar kundër Belerit është paguar 7 mijë euro nga policia për të provokuar korrrupsionin në zgjedhje.

Marrë shkas nga kjo deklaratë, kryebashkiaku i zgjedhur i Himarës shprehet se të shurdhrit dëgjuan dhe të verbrit panë të vërtetën.

Statusi i plotë:

Të shurdhërit dëgjuan dhe të verbërit panë!»

Berisha flet për mediat greke: Aktakuzën ndaj Belerit e ka ngritur Rama, i kërkoi provokatorit të organizonte planin kundrejt 7 mijë eurove

Duke folur për median greke SKAI, Sali Berisha thekson se aktakuza kundër kryetarit të zgjedhur të Himarës është e sajuar dhe dëshmitari mbi të cilin ishte bazuar prokuroria për tentativë blerje votash, është paguar 7 mijë euro për shërbimet e tij.

Ish-kryeministri shqiptar Sali Berisha ka hedhur akuza ndaj kryeministrit Edi Rama për çështjen Beleri. Duke folur për median greke SKAI, Berisha thekson se aktakuza kundër kryetarit të zgjedhur të Himarës është e sajuar dhe dëshmitari mbi të cilin ishte bazuar prokuroria për tentativë blerje votash, është paguar 7 mijë euro për shërbimet e tij.

"E kuptova që ishte një provokim i vjetër policor ndaj tij. Më vonë gjeta prova të qarta se oficerë të lartë të policisë dhe një informator ishin të përfshirë”. Ekziston një fond sekret për ata që kryejnë “misione speciale”. Ky provokator ka mbledhur para nga ky fond në kundërshtim me ligjin, një tarifë prej 7000 euro” tha Berisha.

Berisha shprehet se ka prova se shuma që i është dhënë dëshmitarit kryesor të akuzës ndaj Fredi Belerit është paguar nga fondet sekrete të policisë shqiptare.

“Më është dhënë (informacioni) në mënyrë shumë konfidenciale, por duke qenë se fondet janë përdorur në mënyrë të paligjshme dhe të papranueshme, shpall publikisht në Shqipëri dhe kudo se ky është një veprim shumë i trishtuar dhe i paligjshëm”, tha Berisha.

Kryetari i PD-së këmbëngul se dëshmia dhe videot kundër Belerit janë të pavlefshme, pasi denoncuesi kryesor është paguar.

“Ai i kërkoi provokatorit të organizonte planin. Nuk mund ta toleroja këtë praktikë. Informacioni i saktë për shpërblimin e tij më ka mbërritur vetëm dy ditë para se ta zbuloja atë” tha Berisha.

Berisha e quan Belerin të burgosur politik dhe e lidh burgosjen e tij me dëshirën e kryeministrit Edi Rama për të kontrolluar investimet në Himarë./ CNA





Lajmet e fundit nga