E fundit!

12:30 Aktualitet

Pastrimi i parave në ndërtim/ Kreu i SPAK-ut: Kemi kompani nën hetim

Kreu i SPAK-ut Klodjan Braho ka deklaruar se janë kryer tr...

Pse Pëllumb Gjoka donte të vriste Musabelliun/ Zanafilla e konfliktit që në 2017-ën

28 Korrik 2023, 22:29, Kronika CNA

Pse Pëllumb Gjoka donte të vriste Musabelliun/ Zanafilla e konfliktit

Fotomontazh - Kleant Musabelliu dhe Pëllumb Gjoka

Biznesmeni Pëllumb Gjoka u arrestua dje për llogari të SPAK, pasi në përgjime është zbuluar se ka kërkuar vrasjen e shumë personave.

Nga zbërthimi i bisedave në SKY dhe Encro, raportohet se Gjoka ka kërkuar te fisi i Bajrajve vrasjen e ish-efektivit të burgjeve, Kleant Musabelliut.

Vrasje me porosi e “klering”/ SPAK zbulon kriminelët përmes “Sky” dhe “EncroChat”
28 Korrik, 21:55

Vrasjen e këtij të fundit kishte marrë përsipër ta kryente Ervis Martinaj, pasi Bajrajt dhe bosi i lojërave të fatit kishin shkëmbyer objektivët e tyre për të mos rënë në gjurmë.

Në bisedat e përgjuara flitet për pazaret. Pëllumb Gjoka thotë që të jepen aq para sa kërkohen, vetëm të kryhet vrasja.

Por përse donte t’i bënte atentat biznesmeni ish-efektivin e burgjeve?

Zanafilla e sherrit Gjoka-Musabelliu ka nisur në vitin 2017. Fëmijët e tyre u konfliktuan në shkollë dhe ata si prindër vendosën që ta zgjidhnin sherrin mes tyre.

Kështu biznesmeni dhe ish-efektivi u takuan rreth orës 21 të 11 shtatorit në zonën e Pazarit të Ri, ndonëse shkolla i kishte pajtuar fëmijët.

Pëllumb Gjoka ofroi 110 mijë euro për të vrarë Musabelliun/ Si u përfshi në ekzekutimin e Gjin Boriçit
28 Korrik, 22:04

Edhe pse ata ishin nisur të sqaronin konfliktin, situate mes tyre agravoi në fyerje.

Dëshmitarët deklaruan se kur nisën përplasjet verbal, ata ndodheshin në ambientet e lokalit, por biznesmeni i kërkoi autorit që të dilnin jashtë.

Pak sekonda pasi kanë dalë jashtë, nisi një konflikt fizik. Në sherr e sipër, Kleant Musabelliu, asokohe specialist i SHKB-së së burgjeve në Drejtorinë e Përgjithshme, nxori armën e shërbimit dhe qëlluar në drejtim të Gjokës.

Ky i fundit mori një plumb në këmbë. Nga verifikimet e kryera nga ekspertët, u konstatua se 4 plumba të tjerë ishin shkrepur në tokë.

Kjo ishte ngjarja që ndezi “gjakrat” mes Pëllumb Gjokës dhe Kleant Musabelliut, ndërsa më vonë biznesmeni porositi vrasjen e ish-efektivit./ CNA.al