web counter
LEXO PA REKLAMA!

SHKARKO APP

App Store
Google Play

“SPAK, 'autogol' me Berishën”, Duka: Shmangu procedurat parlamentare

26 Tetor 2023, 15:37, Politikë CNA
“SPAK, 'autogol' me Berishën”, Duka: Shmangu
Agron Duka

Kryetari i Partisë Agrare Ambientaliste, Agron Duka, në një intervistë televizive është shprehur se mbështet punën e organeve të reja të drejtësisë, por në rastin e Sali Berishës, SPAK bëri një "autogol" pasi shmangu procedurat parlamentare.

Ai theksoi se SPAK nuk trembet përpara shantazheve që i bëhen nga politika. 

“Berisha dhe njerëzit pranë tij kanë të drejtë ta paragjykojnë këtë lloj procesi në mënyrën se si është vepruar. Opinioni im nuk është i njëjtë me Berishën. Ka ndryshim pozitiv. Kjo drejtësi ka penalizuar ministra dhe deputetë. Edhe ky rast e tregon. Është ngritur steka lart. Duket se nuk trembet përpara shantazheve që i bëhet nga politika. Pse e përzien Berisha me politikë? Natyrisht. Është politikani më i rëndësishëm i opozitës dhe akuzat lidhen me atë kur ai ka qenë kryeministër. Nëse ka ndërmarrë ndryshime ligjore nuk e ka bërë për dhëndrin e tij. Kështu janë edhe majtas. Është thënë se kanë ngrënë dardha dhe kumbulla prapa kurrizit siç ka thënë Rama, ndërkohë që procedurat i ka bërë ai. Berisha nuk e sheh veten jashtë politikës dhe sulmet i konsideron politike. Personalisht, jam gjithmonë me idenë që drejtësinë të mos e shantazhojmë, por këtë radhë ka bërë një 'autogol'. Të shkonte në Parlament dhe të merrte autorizim. Kjo drejtësi që është miratuar nga Parlamenti dhe unë kam pasur fatin ta votoj reformën në drejtësi dhe vjen e thotë nuk të pyes. Ne jemi republikë Parlamentare”, theksoi ai./CNA

 





Lajmet e fundit nga