web counter
LEXO PA REKLAMA!

SHKARKO APP

App Store
Google Play

Habit Çani: Arian Çani: 90% e personave që dalin në TV janë këllira e qenër, Berisha po sulmohet se turmat duan gjak

27 Tetor 2023, 13:38, Politikë CNA
Habit Çani: Arian Çani: 90% e personave që dalin në TV
Gazetari Arian Çani

Gazetari Arian Çani ka bërë deklarata të forta mbrëmjen e djeshme në emisionin e Erla Mëhillit, teksa ka folur për akuzat ndaj ish-kryeministrit Sali Berisha.

Çani tha se 90% e njerëzve që dalin në televizion janë këllira dhe qenër, por u kundërshtua nga ish-kreu i SHISH, Fatos Klosi.

Gazetari argumentoi se Berisha do të dalë në televizion për sa kohë ka mbështetje, ndërsa personat që dalin e flasin kundër tij janë pa peshë.

Ai deklaroi se Berisha po sulmohet pasi turmat duan gjak dhe litar, ndërsa pretendon se nuk ka prova kundër ish-kryeministrit.

Pjesë nga debati:

Çani: Në televizone janë edhe këllira pa fund, nuk ka lidhje fare. 90% e njerëzve që dalin në televizion janë këllira, janë qenër. Ç’lidhje ka që del në televizon dhe je i rëndësishëm? Mos i besoni këto gjëra. Mos i besoni këto. Sot Berisha…

Klosi: Televizioni më i madh në vend i ka dhënë rastin sot të shpjegohet para publikut… të ankohet për…

Çani: Ç’do me thënë kjo, ç’është kjo…ore e di sa njerëz dalin sot në televizione që ankohen për gjërat që u ndodhin.

Klosi: Është media kryesore ajo…

Çani: E keni gabim. Jo mo jo, po ai do dalë sepse ai ka audiencë… të lutem.

Ato që ju i quani prova, unë nuk mendoj se janë të tilla, janë hamendësime. Ka një gjë, tani është momenti, duhet goditur tani. Tani do fillojë ky proces e do vazhdojë deri minimumi në 2025 në zgjedhjet e reja.

Berisha është mbi 70 vjeç, ligji nuk e lejon të merret masë arresti, pas dënimit, pas vendimit të gjykatës mund të futet në burg, ndërsa tani sipas ligjit nuk futet. Atëherë, si t’ia bëjmë?

Do bëjmë sikur ngatërrohemi. “Do ngatërrojmë procedurat”. Do ushqyer populli. Populli që në antikitet kur shkonin të shikonin demat dhe gladiatorët, nuk ishin me gladiatorët, por me demat, se donin gjak. 

Njerëzit duan gjak, duan litar. Kur them njerëzit e kam për turmat, filozifikisht, turmat duan gjak, kjo është e vjetër sa bota./ CNA





Lajmet e fundit nga