web counter
LEXO PA REKLAMA!

SHKARKO APP

App Store
Google Play

E fundit!

x

Bëmat e Pëllumb Gjokës/ Grabiti tokën e hallës në Velipojë, si u falsifikua prokura e 99-vjeçares

13 Shtator 2023, 22:20, Aktualitet CNA
Bëmat e Pëllumb Gjokës/ Grabiti tokën e hallës në
Biznesmeni Pëllumb Gjoka

Biznesmeni Pëllumb Gjoka u arrestua në korrik të këtij viti, pas zbërthimit të bisedave në aplikacionin “Sky” nga SPAK.

Ndaj Gjokës rëndojnë akuzat jo vetëm për bashkëpunim me grupet kriminale dhe porositje vrasjesh, por edhe për përvetësim pronash.

Gjoka është denoncuar nga kushërira e tij për grabitjen e tokës së 99-vjeçares Drande Hota në fshatin Pulaj të Velipojës.

Sipas dosjes hetimore të Prokurorisë së Shkodrës, të zbardhur në emisionin e Klodiana Lalës kjo ngjarje e ka zanafillën në vitin 2012.

Lule Zefi, vajza e 99-vjeçares denoncoi shtetasin Ardian Beci, ky i fundit kushëri i parë nga nëna e biznesmenit Pëllumb Gjoka.

Beci ishte paraqitur në Lezhë pranë noteres Valbona Hajdari me një prokurë të posaçme nga Drande Hotaj për tokën me sipërfaqe prej 39 hektarësh në Velipojë.

Me atë prokurë, ai pretendonte se e moshuara kishte dhënë pëlqimin për kryerjen e veprimeve noteriale, që toka t’i kalonte djalit të vëllait të saj, Pëllumb Gjokës.

Por vajza e Drande Hotaj deklaron se një gjë e tillë nuk është e vërtetë, pasi thekson se nëna e saj nuk ishte e aftë të kryente asnjë veprim procedural për shkak të moshës, si dhe për arsyen se nuk dinte as shkrim dhe as këndim.

Për këtë arsye ajo ngriti edhe një kallëzim  për falsifikim të dokumentave ndaj noteres që kreu veprimet.

Sipas dosjes, Lule Zefi, kishte marrë kërcënime, deri edhe një tentativë për ta eliminuar fizikisht, por kjo nuk e ndali në betejën e saj për drejtësi.

Ajo bëri një sërë kallëzimesh për vite me radhë, ndërsa ato rrëzoheshin njëra pas tjetrës. Kallëzimet e vajzës së së moshuarës u mbyllën në vitin 2021 nga prokurori Xhevahir Lita, ky i fundit mik i biznesmenit./ CNA





Lajmet e fundit nga