LEXO PA REKLAMA!

SHKARKO APP

Kostancin Luçi: Një tjetër media dhe një sharlatan ofendojnë klerikët Orthodoksë

13 Shtator 2023, 20:50, Aktualitet CNA
Kostancin Luçi: Një tjetër media dhe një sharlatan
Prifti Nikolla Xhufka

Prifti Nikolla Xhufka ka bërë këtë të mërkurë një deklaratë të fortë. Gjatë një daljeje televizive, Xhufka tha se në Shqipëri nuk ka mbetur gomar pa u bërë prift.

Kjo deklaratë nuk është pritur mirë nga historiani Kostancin Luçi, i cili ka reaguar me tone të ashpra ndaj televizionit “MCN” dhe ndaj Nikolla Xhufkës.

Luçi e ka cilësuar Xhufkën një sharlatan që ka ofenduar 140 klerikët Orthodoksë të Shqipërisë, duke i quajtur ata “gomerë”.

Ai e ka sfiduar Nikolla Xhufkën që t’i tregojë diplomën, pasi ka ngritur pretendimet se ky i fundit nuk ka mbaruar asnjë Akademi Teologjike.

Deklarata e plotë:

Një tjetër media dhe një sharlatan ofendojnë klerikët Orthodoksë

Pas Top Channel, këtë herë, shkon në MCTN, dhe me një fjalor rrugaçëror, thotë: Në Shqipëri nuk ka mbetur gomar pa u bërë prift!

Ky zotëria dhe media që e promovon dhe e lejon, me një fjalor prej një rrugaçi ofendon mbi 140 klerikët Orthodoksë të Shqipërisë, duke i quajtur ata “gomerë”, kur në fakt gomari është ky që gënjen dhe shpif. Ky nuk është veshur kurrë prift, sepse nuk ka mbaruar asnjë Akademi Teologjike. Të më provojë të kundërtën e asaj që unë i kërkoj: Të më paraqesi diplomën që është diplomuar në ndonjë Akademi Teologjike, brenda ose jashtë Shqipërisë. Të më paraqesi dokumentin e shugurimit si prift, që të jetë dokument zyrtar dhe jo letër bakalli. Por, ai nuk zotëron asnjë nga këto, sepse ai nuk është prift, dhe nuk njihet nga asnjë kishë brenda dhe jashtë Shqipërisë.

Por në anën tjetër, media qoftë në Shqipëri dhe Kosovë, financojnë dhe promovojnë anti Orthodoksinë, dhe duke u kënaqur me këtë sakrilegj ndaj Kishës Orthodoksë Autoqefale Shqiptare. Nëse ka një gomar në këtë mes, ato janë dy: I pari është ky gënjështari dhe e dyta është media që e promovon, si një objekt sulmi ndaj KOASH.

Sa për dijeni, klerikët e Elbasanit dhe jo vetëm, por të tërë Shqipërisë, janë të bekuar dhe janë të përgatitur dhe unë kam mësuar prej tyre dhe vazhdoj të mësoj. Herë tjetër, mos ftoni në studio sharlatanë dhe mashtrues ordinerë. / CNA

Lajmet e fundit nga