LEXO PA REKLAMA!

SHKARKO APP

Shkarkohet Komandanti i Forcave Ajrore/ BKH i sekuestroi celularin një muaj më parë

13 Shtator 2023, 21:25, Aktualitet CNA
Shkarkohet Komandanti i Forcave Ajrore/ BKH i sekuestroi celularin një muaj
Gjeneral Brigade, Ylli Pulaj

Gjeneral Brigade, Ylli Pulaj, është shkarkuar ditën e sotme nga detyra si Komandant i Forcës Ajrore.

Ai është zëvenduar nga Ferdinant Dimo, Gjeneral Brigade.

Shkarkimi i Ylli Pulajt është bërë nga Presidenti Bajram Begaj, me propozim të ministrit të Mbrojtjes, Niko Peleshi.

Ky veprim vjen një muaj pas lajmit se Byroja Kombëtare e Hetimit ka sekuestruar celularin e Komandantit Forcës Ajrore.

Sipas raportimeve në media, celulari është sekuestruar në kuadër të hetimit për tjetërsimin e pronave të ushtrisë.

Gjithashtu, SPAK ka sekuestruar telefonat edhe drejtuesve të tjerë të niveleve më të ulëta të forcës ajrore dhe disa drejtorëve civilë në ministrinë e Mbrojtjes.

Për çështjen e pronave të ushtrisë është marrë disa herë në pyetje edhe ish-ministrja e Mbrojtjes Olta Xhaçka./ CNA

Lajmet e fundit nga