web counter
LEXO PA REKLAMA!

SHKARKO APP

App Store
Google Play

Qytetarët e këtyre vendeve të BE-së do të udhëtojnë pa viza në Kinë nga 1 dhjetori

27 Nëntor 2023, 15:21, Aktualitet CNA
Qytetarët e këtyre vendeve të BE-së do të
Foto ilustruese

Autoritetet kineze kanë njoftuar se qytetarët e pesë vendeve të Bashkimit Evropian do të përjashtohen nga kërkesat për vizë.

Këto 5 vende janë Franca, Gjermania, Italia, Holanda dhe Spanja.

Zëdhënësi i Ministrisë së Jashtme kineze, Mao Ning, bëri me dije se shtetasit e këtyre pesë vendeve të përmendura më sipër, që do të hyjnë në Kinë për turizëm, biznes, vizita familjare ose tranzit për një periudhë më pak se 15 ditë, nuk do t'u kërkohet të aplikojnë për vizë nga 1 dhjetori 2023, raporton "SchengenVisaInfo.com".

Kina gjithashtu ka vendosur të aplikojë një politikë të njëanshme pa viza në më shumë vende në baza prove, e cila përfshin shtrirjen e trajtimit pa viza për udhëtarët që mbajnë pasaporta të zakonshme nga gjashtë vende, përkatësisht Franca, Gjermania, Italia, Holanda, Spanja dhe Malajzia.

Udhëtimi pa viza për qytetarët e Francës, Gjermanisë, Italisë, Holandës dhe Spanjës do të zbatohet deri më 30 nëntor 2024.

Nga data 1 dhjetor 2023 deri më 30 nëntor 2024, shtetasit nga vendet e sipërpërmendura me pasaporta të zakonshme mund të përjashtohen nga viza për të hyrë në Kinë dhe për të qëndruar jo më shumë se 15 ditë për qëllime biznesi, turizmi, vizita familjare dhe tranziti./ SchengenVisaInfo.com





Lajmet e fundit nga