web counter
LEXO PA REKLAMA!

SHKARKO APP

App Store
Google Play

Nuk ka kërkesë për pezullim vizash, ambasada franceze në Kosovë sqaron komentet e Macron-it

20 Tetor 2023, 08:37, Kosova & Bota CNA

Nuk ka kërkesë për pezullim vizash, ambasada franceze në

Ambasada e Francës në Kosovë ka komentuar mbi deklaratën e presidentit francez, Emmanuel Macron për pezulimin e vizave me Kosovën.

"Sot, më 18 tetor, asgjë nuk është vendosur për të penguar liberalizimin e vizave më 1 janar. Nuk ka asnjë vendim teknik për të vënë në pikëpyetje liberalizimin e vizave për Kosovën", u tha nga ambasada e Francës në Kosovë. 

Në përgjigje për "SchengenVisaInfo.com", ambasada ka thënë se Macron nga Tirana, dëshironte t'i transmetonte një mesazh politik Kosovës dhe Serbisë, dhe për këtë arsye, ai pret që "autoritetet në Kosovë si dhe ato në Serbi t'i mbajnë premtimet e tyre dhe të angazhohen për të bërë përparim në javët e ardhshme” për sa i përket dialogut të ndërmjetësuar nga BE-ja ndërmjet Prishtinës dhe Beogradit që synon të arrijë një marrëveshje normalizimi.

Sipas ambasadorit të Francës në Kosovë, Olivier Gero, deklarata e Macron-it për vizat është keqinterpretuar. Ai u shpreh për mediat vendase se nuk ka vendim për pezullimin e vizave për Kosovën nga Franca dhe se liberalizimi i vizave do të hyjë në fuqi nga 1 janari 2024.

Burime nga Brukseli thanë për "Radion Evropa e Lirë" se pezullimi i vizave është i mundur vetëm përmes procedurave në Këshillin e BE-së, duke përdorur rregulloren për mekanizmin e pezullimit të vizave nga viti 2018.

Burime diplomatike brenda BE-së sqaruan se nuk është e mundur që një vend të pezullojë liberalizimin e vizave për një vend tjetër dhe kjo mund të bëhet vetëm përmes një rregulloreje të Këshillit të BE-së.

Edhe presidentja e Kosovës, Vjosa Osmani, ka thënë se institucionet franceze e kanë njoftuar se procesi i liberalizimit të vizave për kosovarët nuk është shtyrë./CNA

 

 





Lajmet e fundit nga