web counter
LEXO PA REKLAMA!

SHKARKO APP

App Store
Google Play

E fundit!

x

Ministri Hasani: Javën tjetër Kosova do tregojë eksperiencën me Serbinë në Këshillin e Sigurimit

12 Tetor 2023, 13:02, Politikë CNA
Ministri Hasani: Javën tjetër Kosova do tregojë eksperiencën
Ministri i Jashtëm, Igli Hasani

Ministri i Jashtëm, Igli Hasani, gjatë fjalimit të tij në Kuvend, u shpreh se Shqipëria do të vijojë të mbështesë Kosovën dhe do t'i japë zë asaj.

Ai deklaroi se në Këshillin e Sigurimit do të organizohet një takim javën e ardhshme për mosndëshkueshmërinë e krimeve të grupit të armatosur në Banjskë.

Hasani theksoi se Kosova do të ketë mundësinë të ndajë me mbarë botën eksperiencën e saj.

“Javën e ardhshme do të organizojmë në Këshillin e Sigurimit një takim të formatit Arria. Takimi do t’I kushtohet mosndëshkueshmërisë së krimeve gjatë konfliktit.

Kosova do të ketë mundësinë të ndajë me mbarë botën eksperiencën e saj. Ne do vijojmë të mbështesim Kosovën për t’i dhënë zë në çdo hapësirë ku mundemi.

Sulmi kriminal i 24 shtatorit ishte një kambanë alarmi për të gjithë ne. Zhvillimet që ndodhën më pas ishin burim i madh shqetësimi.

Shpallja ditë zie për 3 kriminelë ishte sinjali më i rrezikshëm që Serbia mund t’i jepte rajonit. Është një gjest që shkon në drejtim të kundërt me përpjekjet e komunitetit ndërkombëtar, shkon ndesh edhe me deklaratat e vetë Serbisë për gatishmërinë për marrëveshje”, theksoi ministri ndër të tjera./ CNA





Lajmet e fundit nga