web counter
LEXO PA REKLAMA!

SHKARKO APP

App Store
Google Play

“Kosova, tokë e askujt”/ Rama sqaron deklaratën: Lapsus që u keqpërdor nga sazexhinjtë dogmatikë

12 Tetor 2023, 12:17, Politikë CNA

“Kosova, tokë e askujt”/ Rama sqaron deklaratën: Lapsus

Rreth 10 ditë më parë bëri bujë një deklaratë e kryeministrit Edi Rama për median britanike “Financial Times”, ku mes të tjerash thuhet se kreu i qeverisë e kishte cilësuar Kosovën “tokë të askujt”.

Pas debateve në Shqipëri, gazetari i “Financial Times”, autor i shkrimit, njoftoi se ai citim ishte një lapsus dhe se shkrimi ishte ndryshuar.

Pikërisht për këtë çështje foli sot në Parlament vetë kryeministri. Ai deklaroi se një lapsus u keqshfrytëzua me një epsh të posaçëm nga të gjithë sazexhinjtë dogmatikë në Prishtinë dhe në Tiranë.

“Nuk kam shpresë se do të ma lehtësojë akuzën për tradhtar përderisa edhe një lapsus 'Financial Times', e cila në zbardhjen e intervistës sime të dhënë në telefon, kishte harruar fjalën ‘veri’ përpara fjalës “Kosovë”, e cila u korrigjua menjëherë bashkë me ndjesën publike të gazetarit britanik, unë e kategorizoj veriun e Kosovës me shprehjen angleze ‘non man’s land’.

Pse nuk qenka kur aty lulëzojnë aktivitete kriminale? Kur nuk ka asnjë kontroll dhe asnjë mundësi të parashikosh se cfarë vjen nesër. Çfarë ishte Lazarati, 'no man’s land'. Shumë e thjeshtë. U nxjerr nga një kontekst, u keqshfrytëzua me një epsh të posaçëm nga të gjithë sazexhinjtë dogmatikë, nga kalenxhinjtë e Prishtinës dhe Tiranës, përfshirë dhe të planetit 'non grata' që e futën me vrap si provë në dosjen e aktakuzës të shërbimit tim ndaj Beogradit”, deklaroi Rama./ CNA





Lajmet e fundit nga