web counter
LEXO PA REKLAMA!

SHKARKO APP

App Store
Google Play

Rama komenton marrëdhënien me kryeministrin e Kosovës: Kurtin e kam mik, por kemi divergjenca botëkuptimore

12 Tetor 2023, 11:21, Politikë CNA
Rama komenton marrëdhënien me kryeministrin e Kosovës: Kurtin e
Edi Rama

Kryeministri Edi Rama gjatë fjalës së tij në Kuvend për situatën në veriun e Kosovës, përmendi edhe marrëdhëninen e tij me Albin Kurtin. Rama tha se Kurtin e ka mik dhe nuk ka pasur kurrë një konflikt personal me të.

Por, kreu i qeverisë shqiptare theksoi se me kryeministrin aktual të Kosovës ka divergjenvca botëkuptimore mbi mënyrën se si arritet te qëllimi i përbashkët kombëtar.

 

"Unë Albin Kurtin e kam mik më shumë se Ramush Haradinajn, me të cilin në një segment të caktuar të këtij rrugëtimi jam gjendur në një konflikt personal kur ai ishte kryeministër. Me Kurtin nuk kam pasur kurrë asnjë problem personal, madje në nivelin personal e kam kënaqësi të komunikonj me të. Por me kryeministrin aktual të Kosovës ka divergjenca botëkuptimore mbi mënyrën se si arrihet te qëllimi i përbashkët kombëtar. Pandaj marrëdhënia miqësore nuk më ka penguar as sot, do t'i shpreh divergjencat se jam kryeministri i Shqipërisë", u shpreh Rama. 

 

Më tej ai komentoi një video që është publikuar së fundmi për Haradinajn ku shfaqet duke trokitur gotat me deputetë të Listës Serbe. Ai thekson se është e neveritshme që të sulmohet Haradinaj për këtë gjë, kur të gjithë e dinë shumë mirë që ka luftuar me serbët dhe ka varrosur dhe familjarët e tij. 

"Me Ramushin kemi pasur një krisje në miqësi, e shpreh këtu neverinë time më të madhe për një video propagandistike të porositur dhe të shpërndarë ditët e fundit përmes tastierave të luftës civile digjitale, kur Ramushi trokiste gotat me përfaqësuesit e Listës Serbe. E dini si është puna, Ramush Haradinaj që ka parë gjakun e vërtetë në fytyrën e shokëve të vrarë, ka varrosur vëllezërit nuk mund të sillet ndryshe. Fshihen pas profileve false, nuk ka pse të mos trokasë gotat me kolegët serbë. Por është e neveritshme që të sulmohet për diçka të tillë", tha Rama./CNA





Lajmet e fundit nga