web counter
LEXO PA REKLAMA!

SHKARKO APP

App Store
Google Play

"Nuk do të luajmë kurrë me dy porta"/ Rama i drejtohet qeverisë së Kosovës: Me rezolutën i dhamë mesazh Brukselit

12 Tetor 2023, 10:46, Politikë CNA

"Nuk do të luajmë kurrë me dy porta"/ Rama i drejtohet

Kryemininstri Edi Rama në fjalën e tij në Kuvend nuk hezitoi që të thumbojë qeverinë e Kosovës, në lidhje me reagimet e saj për deklaratat e tij për ngjarjet në Banjskë. 

Ai theksoi se Shqipëria nuk ka luksin që të luajë me dy porta dhe këtë gjë nuk do ta bëjë kurrë.

Rama tha se rezoluta për Kosovën nuk është gjest konsumi i brendshëm elektoral, siç po ndodh në Prishtinë, por një mesazh i qartë për Brukselin. Ai tha se në Tiranë dhe Prishtinë ka disa që nuk duan ta kuptojnë se Shqipëria e sotme nuk është ajo e dikurshmja në arenën ndërkombëtare.

 

"Nuk ka asnjë akt heroizmi, por ai mbetet një akt politik, kundërshtie në dokumentet tona me Brukselin. Kjo që bëmë ishte më shumë sesa një deklarim i papritur i Shqipërisë, ishte një manifestim pakënaqësie, për të dhënë një mesazh të qartë për peshën e rëndë të asaj ngjarjeje. Duhet bashkëpunim rajonal. Ne nuk bëmë një gjest konsumi të brendshëm elektoral. Siç janë prej kohësh tani një sërë gjestesh në Prishtinë në raport me dialogun dhe ndaj qeverisë sonë. Ne mbajtëm një qëndrim parimor dhe politik në funksion nxitës të Brukselit. Në Tiranë dhe Prishtinë ka disa që nuk duan ta kuptojnë se Shqipëria e sotme nuk është ajo e dikurshmja në arenën ndërkombëtare. Kurrë nuk do të luajmë me dy porta. Nuk e kemi luksin që të luajmë me dy porta", u shpreh Rama.  





Lajmet e fundit nga