web counter
LEXO PA REKLAMA!

SHKARKO APP

App Store
Google Play

E fundit!

x

Një komandant i Hamasit vritet nga sulmi izraelit

19 Tetor 2023, 17:11, Kosova & Bota CNA
Një komandant i Hamasit vritet nga sulmi izraelit
Xhamia Yassin e shkatërruar nga një sulm ajror izraelit. Gazë, 9 tetor 2023.

Zyrtari për media i Qeverisë në Gaza, ka thënë të enjten se komandanti i Forcave Kombëtare të Sigurisë, të udhëhequra nga Hamasi, gjenerali Jihad Muheisen, është vrarë si pasojë e një sulmi izraelit në shtëpinë e tij në qytetin e Gazës, bashkë me disa familjarë.

Ende nuk dihet sa familjarë të tij janë vrarë në lagjen Sheikh Radwan në veri të qytetit të Gazës.

Forca Kombëtare e Sigurisë është një organizatë paramilitare në Gaza, e cila udhëhiqet nga Hamasi, prej vitit 2007.

Ndaras, zyrtarë të Hamasit i kanë thënë agjencisë së lajmeve Associated Press se anëtarja e këshillit ligjvënës të Hamasit, Jamila al-Shanti është vrarë si pasojë e sulmeve izraelite, të enjten.

Ajo është njohur si gruaja e parë e zgjedhur në pozitë politike brenda grupit Hamas, dhe është vejusha e njërit prej themeluesve të lëvizjes islamiste.

Sipas Ministrisë së Shëndetësisë në Gaza, 3.785 njerëz janë vrarë si pasojë e bombardimeve të Izraelit.

Izraeli e sulmon Rripin e Gazës, enklavën e mbipopulluar në Detin Mesdhe, prej masakrave të kryera nga luftëtarët e Hamasit në kufirin izraelit dhe në një festival muzikor më 7 tetor, duke i lënë i vrarë mbi 1.400 njerëz, shumica prej tyre civilë izraelitë.

Sipas ushtrisë izraelite, Hamasi i ka edhe 203 pengje izraelite, që i ka dërguar në Gaza, përfshirë shtetas të huaj.

Situata në Gazën me 2 milionë banorë konsiderohet e rëndë.

Ajo gjendet në kufi me Izraelin në veri dhe lindje dhe me Egjiptin në jug.

Furnizimet në Rripin e Gazës janë pakësuar shumë, mirëpo banorët janë duke shpresuar për mundësinë e hapjes së kufijve për ndihma./ REL





Lajmet e fundit nga