web counter
LEXO PA REKLAMA!

SHKARKO APP

App Store
Google Play

E fundit!

x

Banka Qendrore Evropiane gati për fazën tjetër të euros digjitale

18 Tetor 2023, 21:06, Kosova & Bota CNA
Banka Qendrore Evropiane gati për fazën tjetër të euros
Foto ilustruese, marrë nga stock.adobe

Banka Qendrore Evropiane (BQE) njoftoi të mërkurën se këshilli i saj drejtues do të fillojë një fazë përgatitore të euros digjitale pas përfundimit të një hetimi dy-vjeçar për projektimin dhe shpërndarjen.

Faza përgatitore do të nisë në nëntor, është caktuar të zgjasë dy vjet dhe do të përdoret për të finalizuar një rregullore dixhitale të euros, për të zgjedhur ofruesit për të zhvilluar një platformë CBDC dhe për të kryer testime të mëtejshme.

Pas kësaj, këshilli drejtues i bankës "do të vendosë nëse do të kalojë në fazën tjetër të përgatitjeve, për të hapur rrugën për emetimin e mundshëm në të ardhmen dhe nxjerrjen e një euro dixhitale", thuhet në njoftim.

Kalimi në një fazë përgatitore nuk është një vendim për të emetuar një euro dixhitale, tha banka. Një vendim "do të konsiderohet nga Këshilli Drejtues vetëm pasi të ketë përfunduar procesi legjislativ i Bashkimit Evropian". Komisioni Evropian në qershor publikoi propozime legjislative për një euro dixhitale, por ky është vetëm hapi i parë i një procesi kompleks që mund të marrë vite për t'u përfunduar.

Një raport i publikuar së bashku me deklaratën e së mërkurës thotë se BQE-ja projektoi një euro dixhitale që do të ishte "gjerësisht e aksesueshme për qytetarët dhe bizneset përmes shpërndarjes nga ndërmjetësit e mbikëqyrur, siç janë bankat"./ CNA





Lajmet e fundit nga