web counter
LEXO PA REKLAMA!

SHKARKO APP

App Store
Google Play

E fundit!

x

“Kosova ka det”/ Ironia e Gjergj Lucës  me politikanët: A thu janë më të mençur? Muhabete pafund nëpër tavolina

15 Tetor 2023, 20:34, Aktualitet CNA
“Kosova ka det”/ Ironia e Gjergj Lucës  me
Gjergj Luca dhe Blerim Devolli

Biznesmeni dhe sipërmarrësi, Gjergj Luca ka publikuar një video nga stabilimenti i rritjes së peshkut ton në det, ku ka dalë së bashku me një nga sipërmarrësit më të mëdhenj të Kosovës.

Ai thotë se nuk është e vërtetë që Kosova nuk ka det.

Gjatë videos së publikuar në rrjetet sociale Luca tregon se sa shpejt u mor vesh me Blerim Devollin nga Kosova për bashkëpunimin mes tyre, por sipas tij një gjë e tillë nuk ndodh me politikanët.

Madje ai me ironi thotë se, mos janë më të mençur politikanët që ulen herë pas here në tryeza dhe rrinë duke bërë bisedime pafund?

“Nuk është e vërtetë që Kosova s'ka det. Jam me Blerim Devollin nga Kosova, njeriun e punës dhe investimeve këtu në mes të detit Jon për sipërmarrje të përbashkët. Pavarësisht se politika i ndan vëllezërit, puna i bashkon. I bashkon se nga puna vjen mirëqenia, progresi...nga puna vjen bashkimi. E ndërsa politika grindet e zihet, puna mbjell dashuri! Kemi ardh për me fillu një projekt të madh në Kosovë për me bë një Fiush City atje. I kam thënë Blerimit që po nuk more leksione në det nuk ke gjë për fije. Më e bukura është që u ulëm në tavolinë, bëmë 5 minuta muhabet. Rama dakord ta fillojmë nga deti e u morëm vesh përnjëherë. I dhamë dorën njëri tjetrit. Blerimi i madh prej Kosove me Gjergjin e vogël prej Shqipnie. Po si merremi vesh ne aq mirë me njëri-tjetrin e si i mbyllim muhabetet për 5 minuta e si jemi të gjithë bashkë? Si ne vetëm shtojmë vllazninë e dashininë për kombin tonë? Po çfarë kanë këta të politikës por Blerim po hë? A thu janë më të mençur se ne, mendojnë më thellë ata. Rrinë duke bërë mendime pa fund, muhabete pa fund, ulen nëpër tavolina duke bërë muhabete pafund. Ne jemi me njëri-tjetrin dhe do të shkojmë vetëm përpara.”, thotë Luca në rrjetet sociale./ CNA

 




Lajmet e fundit nga