web counter
LEXO PA REKLAMA!

SHKARKO APP

App Store
Google Play

E fundit!

x

Tensionet në veri të Kosovës! Von der Leyen: Të ulen në tryezë/ Rama: Problemet zgjidhen nën ombrellën e BE-së

15 Tetor 2023, 18:20, Aktualitet CNA

Tensionet në veri të Kosovës! Von der Leyen: Të ulen në

Kryeministri Edi Rama dhe presidentja e Komisionit Evropian, Ursula von der Leyen u pyetën nga gazetarët lidhur me trajtesën që do të ketë në Samitin e Procesit të Berlinit që do të mbahet nesër në Tiranë, për marrëdhëniet Kosovë-Serbi.

Ursula von der Leyen tha se e rëndësishme për Kosovën dhe Serbinë eshtë të kthehen në tryezë dhe mënyra për ta bërë këtë është përmes BE-së.

“E rëndësishem që Kosova dhe Serbia të kthehen në tryezë. Mënyra për ta bërë këtë është dialogu përmes BE-së.”, tha Ursula von der Leyen.

Ndërsa kryeministri Rama u shpreh se dreka e punës do t’i kushtohet marrëdhënieve në rajon.

Ai thotë se hapësira për diskutim mes të pranishmëve është e programuar por nuk është një samit që merr përsipër të gjejë zgjidhje.

“Procesi i Berlinit lidhet me nxitjen e rajonit drejt lirisë së lëvizjes së njerëzve, mallrave, kapitaleve e shërbimeve. Samitet e këtij procesi nuk janë vendi për zgjidhjene e çështjeve bilaterale, por në programin e samitit që është përgatitur me kancelarinë gjermane, dreka e punës do t’i kushtohet marrëdhënieve në rajon. Hapësira për diskutim mes të pranishmëve është e programuar por nuk është një samit që merr përsipër të gjejë zgjidhje. Janë probleme që trajtohen dhe duhet të zgjidhen nën ombrellën e BE-së.”,tha kryeministri Rama./ CNA





Lajmet e fundit nga