web counter
LEXO PA REKLAMA!

SHKARKO APP

App Store
Google Play

E fundit!

x

Policia e gjobit për parkim në lagje/ Gazetarja: Biznesi ka zënë 20 vende, nuk ka hapësira as me pagesë

14 Tetor 2023, 12:11, Aktualitet CNA
Policia e gjobit për parkim në lagje/ Gazetarja: Biznesi ka
Gazetarja Esiona Konomi

Gazetarja Esiona Konomi është gjobitur në orët e para të mëngjesit të kësaj të shtune për parkimin e makinës në lagje.

Marrë shkas nga ky rast ndëshkimi, Konomi ka denoncuar një biznes na lagjen e saj që ka zënë 20 poste parkimi pa pagesë.

Ajo thotë se policia rrugore asnjëherë nuk ka marrë masa ndaj tij, por gjobit vetëm banorët e zonës.

Gazetarja shprehet se në vendet e parkimeve me pagesë nuk gjen asnjëherë poste bosh dhe parkimet e pallateve nuk kanë vende mjaftueshëm për të mbuluar të gjithë banorët.

Policia e gjobit për parkim në lagje/ Gazetarja: Biznesi ka

Denoncimi i gazetares Konomi:

“Zbulova” sot një polic “të devotshëm” rrugor, i cili në 01.04 të mesnatës më kishte gjobitur mua e komshinjtë e mi, sepse nuk kishim parkuar në formë të rregullt poshtë pallatit.

Me siguri gjobën e ka vënë pasi ka pirë birra tek lokali përballë pallatit tim, ku një makinë e policisë rrugore parkon cdo mbrëmjë e djemtë me uniformë pinë kafe me pronarin.

Duhet ta bëjnë kafen “të mirë” aty, sepse nuk ka si shpjegohet ndryshe që policia rrugore nuk e sheh asnjë natë se si ky biznes ka bllokuar prej dy vjetësh mbi 20 poste parkimesh publike pa pagesë në lagje, duke parkuar makinat e veta që i ka në shitje.

Ndërkohë oborrin e biznesit të tij e ka kthyer në parkim privat për ne banorët e lagjes.

Policët rrugorë nuk e shohin asnjëherë këtë, ama nuk ju shpëton nga syri asnjë prej nesh që parkon nëpër cepat e pallateve.

Nëse polici i mesnatës është i mërzitur pse kam parkuar aty dhe jo tek parkimi privat i “mikut të rrugores” përballë, i kërkoj ndjesë. Për t’i qetësuar ndërgjegjien i them se e bëra xhiron aty, gati për t’i lënë si zakonisht 2 mijë lekshin për natë, por puna po i ecën aq mirë, saqë ai është thuajse cdo natë pa asnjë vend të lirë.

Unë do të vazhdoj të bëj 1 orë xhiro në lagje të harxhoj karburant në kërkim të një parkimi të rregullt (sigurisht me pagesë për bashkinë, se ndryshe nuk ka), do ta bëj edhe xhiron tek parkimi privat i preferuar i policëve rrugorë, dhe në fund do parkoj tek cepi i pallatit (pa bllokuar rrugën). Unë dhe banorët e tjerë. Ejani prapë sonte në mesnatë. Asnjë nga ne nuk e merr dot makinën në krahë e ta parkojë në ballkon./ CNA





Lajmet e fundit nga