web counter
LEXO PA REKLAMA!

SHKARKO APP

App Store
Google Play

E fundit!

x

Laert Haxhia planifikoi atentat për prokuroret/ Olsian Çela: Të marrin ndëshkim, na kanë ulur besimin

13 Tetor 2023, 10:22, Aktualitet CNA
Laert Haxhia planifikoi atentat për prokuroret/ Olsian Çela: Të
Prokurori i Përgjithshëm, Olsian Çela

Prokurori i Përgjithshëm, Olsian Çela, foli në Asamblenë e Përgjithshme të Prokurorëve për atentatet e planifikuara nga banda e Laert Haxhisë ndaj një ish-prokuroreje dhe një tjetre në detyrë.

Çela tha se personat që planifikuan atentat ndaj prokuroreve duhet të marrin ndëshkim para ligjit.

Ai kërkoi që të gjithë magjistratët të jenë të bashkuar në mënyrë që të dekurajojnë personat që i kërcënojnë ata për shkak të detyrës.

Prokurori i Përgjithshëm deklaroi se për shkak të këtyre ngjarjeve, drejtësia po kalon një periudhë të vështirë, pasi ka humbur besimin e qytetarëve.

“Për jetën e rrezikuar të dy kolegeve tona, duhet të marrin ndëshkim para ligjit. Duhet të jemi më solidarë dhe duhet të qëndrojmë së bashku të përkushtuar ndaj detyrës. Këto do të dekurajojnë këdo që kërcënojnë magjistratët.

Po kalojmë një periudhë të vëshirë, ka një besim të ulët të opinionit publik te ne.

Vendi ka nevojë për magjistratë të pavarur dhe duhet të përballen me sfida të vështira, duhet të jemi krenarë për punën tonë të përditshme.

Shumë kriminelë të rrezikshëm vuajnë dënimin falë punës suaj. Ne prokurorët do të vazhdojmë të bëjmë punën tonë”, theksoi Çela./ CNA





Lajmet e fundit nga