web counter
LEXO PA REKLAMA!

SHKARKO APP

App Store
Google Play

E fundit!

x

Andi Bushati “zbërthen” shpërthimet e Ramës në Kuvend/ “Sulmoi më shumë Kurtin e Kosovën se Serbinë”

12 Tetor 2023, 21:08, Aktualitet CNA
Andi Bushati “zbërthen” shpërthimet e Ramës në
Foto ilustruese

Analisti Andi Bushati ka komentuar deklaratat e kryeministrit Edi Rama sot në Kuvend, ku sipas tij ka disa momente kyçe ku duket se më shumë suilmon kryeministrin e Kosovës, Albin Kurtin dhe Kosovës sesa Serbinë.

I ftuar në emisionin “Të Paekspozuarit” me Ylli Rakipin, Bushati i ka renditur këto pika, duke përmendur sulminb ndaj Kurtit, paralelizmi me Palestinën si dhe deklaratat për KFOR.

 “Rezoluta në versionin final është deri diku korrekte. Por, për të arritur këtu është interesante të shihet procesi, se si u arrit. Kishim dy palë që u zunë ashpër për një pikë. PD dhe opozita kërkonte që rezoluta të dënonte sulmin kriminal nga Serbia. PS kishte një draft tjetër rezolutë që kërkonte të dënohej sulmi kriminal i organizuar nga nuk dihet se kush. Pra socialistët refuzonin të tregonin më gisht Serbinë. Retorika e opozitës ishte, ne nuk mund të jemi mbrapa Kosovës, sepse Kosova e ka treguar me gisht Serbinë.

Këtu u arrit kompromisi "kinez", siç thoni ju, pra në rezolutën e Parlamentit të Shqipërisë, të mos dënohej në mënyrë eksplicite Serbia si organizatore, u gjet një truk dhe në nenin e parë u tha biem dakord me Kosovën, se Kosova e dënon sulmin e Serbisë. Pra në njëfarë mënyrë u kënaqën edhe këta të Rilindjes, që nuk duan ti prishin qejfin Vuçiçit, u kënaq edhe opozita sepse gjeti alibinë, që i referohemi Kosovës, që ka treguar me gisht Serbinë.

Është lajm i mirë që Parlamenti gjeti konsensus dhe nuk u përça për çështjen e Kosovës, por truku që u përdor është pak qesharak.

Më bënë përshtypje tre gjëra nga fjala e Ramës. E para, kishim një Parlament që ishte mbledhur për të nxjerrë një rezolutë, për të dënuar Serbinë. Në fjalimin e Ramës u dënua Kosova dhe Albin Kurti dhe kritikët e tij në Kosovës. Pra edhe në një Parlament që mblidhet për të goditur Serbinë, Rama e shfrytëzon për të goditur qeverinë e Kosovës dhe kritikës e tij në Kosovë. I kushtoi në fjalimin alla Fidel Kastro, 1/3 e kohës, njerëzve që e shajnë nëpër rrjetet sociale. Një njeri që kontrollon thuajse gjithçka në Shqipëri, do të kontrollojë edhe facebook-un e atyre në Kosovë. Deri këtu arrin mania.

E dyta, është ideja që Rama e mbrojti gjatë, se përse duhet KFOR në veri? Tha shumë argumenta, që KFOR është çlirimtari, etj. Nuk dha përgjigje, nëse është kaq i mirë KFOR për Kosovën, atëherë pse e do edhe Serbia në Kosovë? Rama po kërkon fiks të njëjtën gjë që do presidenti serb. Ose duhet të pranojnë që Rama e ka gabim, ose që Vuçiç do të mirën e Kosovës", ka thënë Bushati./ CNA

 





Lajmet e fundit nga