web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet për KLGJ/ Klodiana Lala publikon mesazhin e Kodraliut: Vendosi të mos bëhet pjesë e një skandali

12 Tetor 2023, 17:44, Aktualitet CNA
Zgjedhjet për KLGJ/ Klodiana Lala publikon mesazhin e Kodraliut: Vendosi
Gazetarja Klodiana Lala

Alma Kodraliu kandidate për KLGJ-në, në votimin e fundit, i ka dërguar një mesazh gazetares Klodiana Lala pasi kjo e funidt ka folur lidhur me mospërzgjedhjen e saj në KLGJ.

Kodraliu e cila tashmë është gjyqtare në Gjykatën e Shkallës se Parë të Juridiksionit të Pergjithshëm Tiranë thotë se procesi për përzgjedhje në KLGJ ka qenë transparent.

Gazetarja Lala ka ndarë në rrjetet sociale mesazhin krahas së cilit shkruan se e vlerëson reagimin e Kodraliut e cila siç duhet ti ketë hije çdo gjyqtari në këtë vend vendosi të mos bëhet pjesë e një skandali që do të bënte pis KLGJ-në.

Postimi i plotë:

Reagimet dhe denoncimet në funksion të së mirës

Jam Alma Kodraliu, gjyqtare në Gjykatën e Shkallës se Parë të Juridiksionit të Pergjithshëm Tiranë. Kam qenë një ndër kandidatet për KLGJ në votimin e fundit dhe nuk kam qenë fituese. Nuk e di nga i keni marrë informacionet që keni referuar në një qëndrim tuajin. Megjithatë, qëndrimi im është:  Procesi ka qënë transparent. Unë vleresoj vendimarrjen e gjyqtarëve. I uroj punë të mbarë e gjithë të mirat koleges shumë të nderuar që e ka fituar këtë proces!

E vlerësoj shumë reagimin e zonjës Kodraliu, e cila sic duhet ti ketë hije çdo gjyqtari në këtë vend vendosi të mos bëhet pjesë e një skandali që do të bënte pis KLGJ, Gjykatën e Lartë dhe sistemin e drejtesisë. Kjo është një përpjekje e parë, por duhet vlerësuar sepse më në fund gjyqtarët po reagojnë dhe po bëjnë hapa të vegjël për tu shkëputur nga politika dhe segmente problematike brenda sistemit, ku këta të fundit janë në përpjekje për të zaptuar çdo karrige në gjyqësor. Gjyqtaret e dinë mirë sesi po tentohej të manipulohej gara, sepse mesazhet e dërguara vetë atyre ua patën bërë të qartë.

Suksese gjyqtares që fitoi garën. Uroj që zonja Mucaj të mbetet në çdo vendimmarrje brenda stofit të gjyqtarit profesional, të guximshëm e të ndershëm./ CNA





Lajmet e fundit nga