web counter
LEXO PA REKLAMA!

SHKARKO APP

App Store
Google Play

E fundit!

x

Vakanca në SPAK/ Kandidati i parë Albert Kuliçi, prokurori që ra pre e atentatit në 2019-ën

12 Tetor 2023, 11:28, Aktualitet CNA

Vakanca në SPAK/ Kandidati i parë Albert Kuliçi, prokurori

Prej 14 ditësh është hapur gara për 3 vende vakante në Prokurorinë e Posaçme.

Mediat raportojnë se personi i parë që ka dorëzuar dokumentet në SPAK për vendin vakant është Albert Kuliçi.

Ai ka qenë prokuror në Vlorë, ndërsa aktualisht është prokuror në Tiranë.

4 vite më parë, në orët e para të mëngjesit të 21 dhjetorit 2019, ai ra pre e një atentati. Një sasi tritoli shpërtheu në makinën e Albert Kuliçit.

Këshilli i Lartë i Prokurorisë e cilësoi si një atentat të pastër terrorist ngjarjen dhe premtoi mbrojtje për prokurorin dhe familjen e tij.

Si pistë kryesore kryesore ku u përqendruan hetimet ishte puna e tij si prokuror, por deri më sot nuk ka ndonjë autor për këtë ngjarje dhe nuk dihet se si kanë rrjedhur hetimet.

Kujtojmë se prokurori Kuliçi ka pasur në duar jo pak çështje të bujshme. Ai ka hetuar skandalin e tjetërsimit të pronave në Karaburun dhe Zvërnec, ku i përfshirë ishte një biznesmen dhe katër zyrtarë të cilët u dënuan me burg.

Gjithashtu prokurori Kuliçi ka hetuar koncesionin e parkingjeve në qytetin e Vlorës, një aferë në Albpetrol, si dhe ka kërkuar vendosjen e sekuestros për një pallat 11-katësh në Vlorë, për të cilin u akuzua për shpërdorim detyre ish-kryebashkiaku Shpëtim Gjika./ CNA





Lajmet e fundit nga