web counter
LEXO PA REKLAMA!

SHKARKO APP

App Store
Google Play

Ndeshja Shqipëri-Çeki/ Policia publikon udhëzimet për tifozët

11 Tetor 2023, 19:30, Aktualitet CNA
Ndeshja Shqipëri-Çeki/ Policia publikon udhëzimet për
Foto ilustruese

Policia e Shtetit ka bërë me dije një serë rregullash që duhet të zbatohen nga tifozë dhe sportdashës që kanë vendosur të ndjekin në stadium apo në mënyrë të organizuar, në lokale, ndeshjen e futbollit Shqipëri-Çeki.

Për mbarëvajtjen e këtij aktiviteti sportiv me përmasa ndërkombëtare janë angazhuar qindra punonjës policie, të cilët do garantojnë rendin dhe sigurinë publike, si dhe do t’iu ofrojnë ndihmë dhe informacion, në rast nevoje.

Tifozët dhe sportdashësit duhet të kenë parasysh:

• Të zbatojnë me rigorozitet, ligjet e shtetit shqiptar, rregullat kombëtare, ato ndërkombëtare dhe udhëzimet e autoriteteve, për pjesëmarrjen në aktivitete sportive;

•Ndalohet futja në stadiumin “Air Albania”, e flakadanëve, lëndëve piroteknike, sendeve të forta dhe metalike, monedhave, sendeve/produkteve për përdorim kozmetik dhe banderolave me përmbajtje raciste ose diskriminuese;

•Ndalohet mbulimi i fytyrës që bën të pamundur identifikimin e tifozit/es;

•Thyerja e ulëseve apo e pajisjeve të tjera në stadium, dëmtimi i pronës private në lokale apo në ambiente të tjera ku do të ndiqet ndeshja, si dhe prishja e qetësisë publike në sheshe apo në rrugë, janë vepra penale dhe shtetasit që do t’i kryejnë këto veprime, do të përballen me sanksionet penale, konform ligjeve në fuqi në Republikën e Shqipërisë.

Policia e Shtetit kërkon mirëkuptimin e qytetarëve, për respektimin e masave kufizuese për qarkullimin e automjeteve dhe të masave për hyrjen dhe qëndrimin në stadium, në mënyrë   që ky aktivitet të mbyllet pa incidente./ CNA





18:00 Aktualitet REDAKSIONALE

Shënim/ Evisi e Edvinit

“Kocka” e duhur për Evi Kokalarin Evis Angelakis apo Evis...

Lajmet e fundit nga