web counter
LEXO PA REKLAMA!

SHKARKO APP

App Store
Google Play

E fundit!

x

Vrasjet e bandës së Laert Haxhisë/ Klodiana Lala zbulon përplasjet e fuqishme me grupet kriminale

3 Tetor 2023, 14:53, Kronika CNA
Vrasjet e bandës së Laert Haxhisë/ Klodiana Lala zbulon
Gazetarja Klodiana Lala

Gazetarja Klodiana Lala ka zbuluar detajet për përplasjet e grupeve të fuqishme kriminale në Rotredram me bandën e Laert Haxhisë për prishje të pazareve të drogës.

Gjatë një interviste në "Euronews Albania" gazetarja ka deklaruar se kjo gjë mund të çojë në zbulimin e emrave surprizë që kanë lidhje me botën e krimit dhe grupet kriminale.

Gazetarja bëri me dije se detajet e reja që po dalin janë si pasojë e pendimit të Artan Tafanit i cili ka rrëfyer një sërë vrasjesh të kryera nga grupi kriminal i Laert Haxhisë.

 “Se si do të rezultojnë dhe se sa do rezultojnë të vërteta deklarimet e Artan Tafanit, kjo mbetet për t’u hetuar. Por përtej vrasjeve, ai ka folur edhe për rrjete të fuqishme të trafikut të drogës të cilët janë nga Amerika Latine në drejtim të Holandës, Belgjikës dhe më pas në Shqipëri.

Ai ka thënë se dy nga ngjarjet e ndodhura në Greqi siç është vrasja e Lulzim Qorrit dhe Dikens Halilit, kanë ndodhur për shkak se Laert Haxhiu dhe grupet kriminale ishin në përplasje me to, për prishje të pazareve të drogës në Roterdam dhe në Belgjikë, këto detaje mund të sjellin të nesërmen emra surprizë që mund të arrestohen.

Këtë që them e them me përgjegjësi të plotë, dëshmia e plotë e tij do dalë nesër e asgjë nuk mbetet pa u zbuluar në këtë vend. Autoritetet duhet të jenë të kujdesshëm”,-tha Klodiana Lala./ CNA





Lajmet e fundit nga