web counter
LEXO PA REKLAMA!

SHKARKO APP

App Store
Google Play

Zgjidhen 3 anëtarët e rinj të Këshillit të Lartë të Prokurorisë

13 Tetor 2023, 15:19, Aktualitet CNA

Zgjidhen 3 anëtarët e rinj të Këshillit të Lartë

Tre anëtarët e rinj të Këshillit të Lartë të Prokurorisë janë Moisi Duda, Olger Eminaj dhe Vatë Staka. 

Gjatë votimit Moisi Duda mori 122 vota. Ndërsa Olger Eminaj mori 103 vota dhe Vatë Staka 98 vota.

Në fjalën e tij në Asamblenë e Përgjithshme të Prokurorëve, kryeprokurori Olsian Çela foli edhe për atentatet e planifikuara nga banda e Laert Haxhisë ndaj një ish-prokuroreje dhe një tjetre në detyrë.

Çela tha se personat që planifikuan atentat ndaj prokuroreve duhet të marrin ndëshkim para ligjit.

Ai kërkoi që të gjithë magjistratët të jenë të bashkuar në mënyrë që të dekurajojnë personat që i kërcënojnë ata për shkak të detyrës.

“Për jetën e rrezikuar të dy kolegeve tona, duhet të marrin ndëshkim para ligjit. Duhet të jemi më solidarë dhe duhet të qëndrojmë së bashku të përkushtuar ndaj detyrës. Këto do të dekurajojnë këdo që do të kërcënojnë magjistratët. Po kalojmë një periudhë të vëshirë, ka një besim të ulët të opinionit publik te ne. Vendi ka nevojë për magjistratë të pavarur dhe duhet të përballen me sfida të vështira, duhet të jemi krenarë për punën tonë të përditshme. Shumë kriminelë të rrezikshëm vuajnë dënimin falë punës suaj. Ne prokurorët do të vazhdojmë të bëjmë punën tonë”, theksoi Çela./ CNA

Zgjidhen 3 anëtarët e rinj të Këshillit të Lartë

Zgjidhen 3 anëtarët e rinj të Këshillit të Lartë

 

 





Lajmet e fundit nga