web counter
LEXO PA REKLAMA!

SHKARKO APP

App Store
Google Play

E fundit!

x

Rrëfehet kampioni i notit me aftësi të veçanta/ “Babain e humba kur isha i vogël, e kam brengë…”

14 Tetor 2023, 10:37, Aktualitet CNA
Rrëfehet kampioni i notit me aftësi të veçanta/
Kampioni i notit, Gersi Troka

Gersi Troka, djali me aftësi të veçanta që fitoi Medaljen e Artë në Lojërat Speciale Olimpike në Berlin, u rrëfye këtë të shtunë në podcasting e kryeministrit Edi Rama.

Troka tha se jeton vetëm me nënën, pasi babai ka humbur jetën kur ka qenë fare i vogël.

Ai tregoi se do donte që ta kishte pasur pranë për të pasur një kujti me të, ndërsa rrëfeu se i ka mbetur brengë fakti që nuk mund ta shoqërojë në intervista.

“Dua të them të drejtën se mami nuk e harron vetëm ne të dy. Me ikjen e babait tim nga kjo jetë, se unë fare nuk e kam takuar kur isha i vogël dhe kam keqardhje pse iku sepse unë me të nuk isha njohur, sa ta takoja njëherë babin tim si është dhe pastaj të ikte dhe sipas rrugëtimit, se isha unë, mami, gjyshi dhe nëna, këta ishin shtysa që unë e bëra vendin krenar, se tani u bëra dhe kampion në not. Shenja se nëna u plak, dhe ajo iku. Me nënën ishim shumë të lidhur, iku dhe gjyshi. Kjo sot mua më trishton shumë. Ikja nga jeta e prindërve tanë më ka lënë një brengë edhe tani e ndjej sepse kam parë shumë intervista, kam parë njerëz si babi, si nëna, si gjyshi, por më shumë kam përmendur nënën dhe doja që askush nga prindërit të mos iknin në këtë kohë kur unë ata i dua pa masë. Mirë unë, por dhe mami kishte një dashuri pa fund për këta prindërit që tani nuk janë”, u shpreh ai.

Nga ana tjetër, mamaja e Gersit zbuloi se bashkëshortin e humbi për shkak të një sëmundje të rëndë dhe tashmë i ka mbetur që të luftojë vetëm me djalin.

“Kur ishte Gersi një vjeç e gjysmë dhe u nda nga jeta bashkëshorti dhe babai i Gersit sepse ishte i sëmurë, kështu që ne të gjithë këtë rrugëtim e kemi pasur të dy bashkë. Në fakt, kanë qenë prindërit e mi që thotë Gersi, por tani ata nuk jetojnë më dhe përfundimisht ne jemi të dy dhe luftojmë bashkë, d.m.th. e bëjmë rrugëtimin bashkë”, theksoi ajo./ CNA





Lajmet e fundit nga