“Dënoj propagandën e tij të shpifur”/ Berisha: Përpjekjet e Ramës për të zëvendësuar Olsin me Dukën, dështuan

13 Tetor 2023, 19:04, Aktualitet CNA

“Dënoj propagandën e tij të shpifur”/ Berisha:

Ish kryeministri Sali Berisha, pas mesazheve nga tifozët kuq e zi,distancës mes dy kryeministrave Edi Rama dhe Albin Kurti dhe propagandës në rrjetet sociale, përmes një postimi në rrjetet sociale ka shënjestruar kreun e qeverisë, duke e akuzuar se dëshiron që të marrë të gjithë vëmendjen, suksesin dhe meritat e kombëtares shqiptare në ndeshjen Shqipëri-Çeki.

Berisha shkruan se përpjekjet e Ramës për shkatërrimin e tifozëve kuq e zi dhe për të zëvendësuar Armando Dukën me Olsi Ramën dështuan.

Sipas ish kryeministrit, Rama dështoi në planin e tij për ta kthyer FSHF-në, në një klub mafioz të familjes së tij.

Berisha shkruan se dënon ashpër propagandën e Ramës për të marrë meritat për suksesin e të tjerëve.

Ai u ka bërë thirrje tifozëve kuqezi që kudo ta quajnë Ramën, vëllain e Aleksandër Vuçiç.

“Mbrëmë donte të braktiste stadiumin, sot kërkon të përvetësojë suksesin!

Miq, pavarësisht se u bë vrer dhe sterr i zi në llozhë, kur pa parullën e mallkimit në legjenda të tifozëve Kuq e Zi si përçarës i kombit, Rama po përpiqet sot me lëpirësit dhe propagandën e tij të neveritshme të marrë meritat e ekipit, golshënuesve, kapitenit, Sylvinhos dhe FSHF , drejtuesit të saj Armand Duka dhe tifozëve kuqezi për rezultatin epik, në superndeshjen e djeshme dhe ngjitjen mrekullueshme të futbollit tonë.

Me këto përpjekje sa qesharake aq dhe primitive Rama pasi dështoi me shkatërrimin e tifozve kuq e zi, të cilët e urrejnë Ramën si argat të Beogradit, pasi dështoi të kapte FSHF për të zëvendesuar Duken me Olsin dhe kthyer kështu FSHF në një klub mafioz të familjes së tij, kërkon të hiqet si gjoja njeriu që solli suksesin!

Në fakt pa dështimet e përpjekjeve të liga të tij nuk do kishim këto suksese të futbollit tonë dhe Armand Duka nuk do zgjidhej Zv. President i Federatës Europiane të Futbollit.

Dënoj ashpër këtë propagangë të shpifur, këtë rrekje për të përvetësuar merita të të tjerëve, të Edi Ramës dhe uroj dhe një herë nga zemra të gjithë faktorët mësipërm për suksesin e jashtëzakonshëm të djeshëm me Çekinë.

Ju bëj thirrje tifozëve kuqezi, atdhetarë të vërtetë kudo që t’a shihni Edi Ramën të thërrisni: “Vllau i Vuçiç jashtë stadiumi!”, shkruan Berisha./ CNA