web counter
LEXO PA REKLAMA!

SHKARKO APP

App Store
Google Play

E fundit!

x

Kreu i komunitetit hebre në Shqipëri: Kam njerëzit e mi atje pranë Gazës, tregojnë ngjarje tronditëse

13 Tetor 2023, 17:51, Aktualitet CNA
Kreu i komunitetit hebre në Shqipëri: Kam njerëzit e mi atje
Foto ilustruese

Kreu i komunitetit hebre në Shqipëri, Amos Dojaka, ka komentuar situatën e luftës në Gaza.

Gjatë një interviste në Euronews Albania, ai është shprehur se ka të afërm të tij që ndodhen në Gaza, duke thënë se kur bien sirenat e alarmit, futen në dhomat e sigurisë.  Ai shpjegon se ngjarjet që ndodhin atje janë tronditëse.

“Dëgjojmë tregime nga më tronditëset, një baba i kënaqur se gjeti vajzën e tij 10 vjeçe të vdekur, ishte më i çliruar se ta dinte se vajza e tij ishte rob te Hamasi. Unë kam njerëzit e mi në Izrael që janë afër rripit të Gazës. Për momentin ata janë mirë, por nën sirenat e vazhdueshme të mbrojtjes ajrore. Predhat janë të vazhdueshme”, tha ai.

Ai shtoi se numri i hebrenjve shqiptar të cilët kanë shkuar në Izrael është diku te 500 persona, ndërsa në Shqipëri numri i tyre është i vogël.

“Numri i hebrenjve në Shqipëri është një numër i vogël. Që nga marsi i 1991 shumica dërrmuese e hebrenjve që kanë jetuar në Shqipëri kanë shkuar në Izrael dhe jetojnë shumë mirë. Është një shifër diku te 500 persona që kanë ikur në Izrael dhe janë pjesë e integruar në Izrael. ata jetojnë në Bersheva në  jug të Izraelit, ne veri, kemi të shpërndarë në disa vende. Ndërsa në Shqipëri numri i hebrenjve është i vogël edhe unë kam ikur kam jetuar në Izrael dhe jam kthyer sërish në Shqipëri”,-tha Amos Dojaka./ CNA

 





Lajmet e fundit nga